【超級平！】靚料童裝清貨全部唔使$20

話說昨日媽媽group突然傳來一堆BB衫圖片，原來係媽媽朋友發現Aeon童裝部正進行大減價！今次減價真係超Crazy喎！男女童裝全部均一價$19.9！無錯！你冇睇錯，我都冇寫錯！真係全部廿蚊件！

Aeon啲衫仔出名質優款多，而家廿蚊唔使，就買到靚料衫仔、裙仔同褲仔！淘寶都唔得啦！係咪抵先？真係未生都要買定先啦係嘛！

男女童裝Size由80至100碼不等，款式選擇甚多。

雖然全部都係夏季款，但最緊要係平丫嘛，買定出年著囉！

要走可愛路線？有！想斯文Look？都有！

質地真係好好架！唔係Cheap Cheap淘寶貨！

媽媽朋友唔係齋睇冇幫襯架！堅有買！仲要買好多！

男仔衫

睇下條熊仔格仔褲幾得意！很想要吧！

女仔衫裙都好可愛！

女裝褲仔又係cute到暈！果條蘋果褲真係一絕！

準備出發掃平貨嘅媽媽們要留意！據記者的媽媽朋友稱，九龍灣及荔枝角Aeon有較多款式選擇，搶購的人亦較少。

屯門Aeon則以衫仔為主，褲款已所餘無幾了！(20蚊唔使買到條褲又真係抵嘅！)至於會否再加添更多減價貨？Aeon職員就話唔肯定囉！