我們都知道，這幾年是終站

醫委會的改革，餘波未了。有病人組織代表撰文，指反對改革的醫生，將會是滿手鮮血的兇手。那些病人組織的要點，只要幾個：一、醫生查醫生，醫醫相衛。二、香港醫生不夠，公立醫院人手不足，引入外地醫生是解決問題的方法。 

可是，我的朋友好像不是這麼理解。有支持醫學界，反醫委會改革的人說：「引入咩外地醫生丫？咪又係畀中國人黎香港殖民？中國醫護質素有問題，有眼睇架。你睇澳門就知啦。一間謀財，一間害命。Ｄ醫生呀，護士呀，都係暨南大學度黎架。我Ｄ澳門朋友就同我講，香港真係要頂住呀。如果唔係，澳門人有咩事，佢地真係死硬架啦。」 

另一個朋友，是一名孕婦，整天都在看中國醫護失控的新聞，不是取走一個腎，就是護士看著孕婦生產時失血過多，都顧著玩手機而令孕婦喪命。「我個同事呀，好在係廣華醫院度生，失血過多，護士睇到，即刻救返咋，差Ｄ就死架。」孕婦朋友說：「果Ｄ咁既病人組織，又係代表新移民。講黎講去，又係想溝淡香港人之嘛。扮咩公義丫。咪又係利益。Ｄ左膠又係呀。為左新移民case，令自己繼續有野撈，咪出賣香港人囉。」 

的確，香港以前應該真係唔錯既。正如香港大學既沙士英雄袁國勇醫生話齋：「（HK）is not getting better, is getting worst。」