買車的人

根據運輸署提供的資料，過去五年，香港的私家車登記數字，直線上升。由2011年的 471,685輛，到2015 年的567,886輛，增幅近兩成。 

為什麼香港人需要私家車呢？一般的分析有幾個：首先，買車養車是高支出項目。如果兩個人，開車去商場看電影，兩個成人的票錢，加一輛車的停車錢，絕對是兩人入場三人買票。況且現在幾乎大部份商場都幾乎有不錯交通網路系統，為什麼這五年，香港人寧願多付一點錢去買車呢？ 

ＯＬ李小姐就跟我說：「健吾，你唔使迫地鐵返工，你梗係唔使買車啦。你知唔知呀，而家啲男人呀，好臭架。真係好Ｑ賤格架佢地，唔知點解，呢幾年呢，啲男人就好興著果啲運動膠衫出街，成身汗味。果啲衫呢，就係自己舒服，整晒啲汗走，就留返晒啲汗味係件衫度。我到今日都唔明，點解一個人可以未返工個身就臭，佢果日點過既呢？好啦，到你果日要見客啦，踩住高跟鞋去截的士，你永世都唔會截到架。截到之後呢？就話呢度唔去果度唔去，好似而家我求佢車我咁。」 

我明白的。這種對很多人而言，是First world problem。有點餘裕的人，才會覺得有問題吧。你看，在香港真正有錢的人，除了特首的女兒有跟的士司機在萬聖節吵過架之外，誰在乎香港的的士服務問題？ 

「總之，我覺得開車是應份的。尤其是，約會的時候，男人要車我。」李小姐說。 

之前跟李小姐是大學同學的網站編輯Ｇ先生，說他買車的原因，是因為想準備生小孩。早幾年，水貨客（或有稱走私犯）問題嚴重，在東鐵線出入的Ｇ先生說，這樣子對太太和小孩都不好：「你忍心給你的太太和小孩，跟那些賤格水貨客一起迫嗎？我就不想了。他們這些賤民，撞死你個仔，你估佢地會道歉咩？警察會唔會幫你？唔會架。係香港，都係自求多福。開車呀，都有扮撞車黨啦而家。仲有呀，你睇埋睇埋啲元朗group 新界group，成日都見到啲女人話點樣勇武保護個仔唔好俾啲操大陸口音既女人拐走，你有冇睇劉德華套戲呀？《失孤》呀。你估真係會幫到你呀？總之，而家生仔唔買車既男人呢，都係不負責任既。唔係話自己要開車好威，而係做男人你冇俾返啲保障個屋企，就絕對係一件不負責任既事。」 

哈哈哈哈，原來香港人現在是想這樣的事情。這些人，很香港，很實在。