點樣真係用 QSearch？

分析台北市市長柯文哲用 Q Search打贏選戰既報道呢，係有好多既。不過，又有幾多人知道當中既故仔呢？ 

話說呢，柯文哲當年有兩隊人，一隊負責做search，一隊做分析和策略性調整。而重點係，Qsearch要知ＫＯＬ可以影響到邊個族群，佢要睇下個族群係咪佢個target。例如，當年柯文哲知道單車族係年青人，佢就調整如何面對單車族的策略（歡迎環島鼓勵環島之類），咁就吸左班年青人。而再加上有單車用品供應商睇準左呢個商機，就贊助左阿柯Ｐ玩左一次單車行。呢個品牌呢，知道柯Ｐ支持者既政治取態，以至佢地既消費能力，於是就促成左事件。令柯Ｐ呢件事，變得好有娛樂性（非政治化），令事可以係面書搞得大。 

而更重要既係呢，根據台灣朋友小道消息，Qsearch班友係利用台灣某大學班師弟師妹做免費勞工幫佢地做海量搜尋。而呢種「盲搜」可以撈到啲奇奇怪怪隱藏族群，例如Love Life 群、P&D 群、飲飲食食好生活群，細至各大小社區群，都可以睇到呢啲群既輿論點睇候選人。聲稱自己有用Qsearch去幫佢助選既人，有冇搵到佛教群，動物保護群既真‧ＫＯＬ呢？

所以呢，有好多野，講就易，真係做，其實真係得十零個人識做。Search engine呢，不嬲都係中性既，同錢一樣。只係背後團隊點樣去分析理解，先係重點。我可能係其中一個識做既人，不過我就唔搵呢啲陰騖錢既。俾一個自稱支持袋住先，反標準工時既人入到立會，仲有得剩既？呵呵呵。