其實有好多嘅敏感嘅問題雖然對於男士黎講好似無咩野，但實際情況下無論係你女朋友定普通女性朋友都好，基本上都係絕對唔可以問嘅。
曾經試過同自己嘅心儀對象約會左幾次之後，佢無端端就唔見左影？咁或者係因為您曾經問咗啲過度私人嘅問題而令佢非常唔自在，搞到佢地覺得受到冒犯，甚至係非常尷尬而避開您！
唔想同自己同女神約會之後嚇走咗人？咁你就必定唔可以比以下呢8條問題衝口而出喇！
1. 「你M到呀？」
身邊嘅女士忽然燥底？有唔少人就會喺呢個時候懶搞笑咁問人係唔係M到，好似想緩和氣氛咁。但誰不知呢個咁嘅無心嘅問題，其實反而會令對方火上加油，好似認定左佢地一M到就會發嬲咁。而且如果佢地比人咁講嗰時唔係M到，情況就會更加尷尬，對於女仔嚟講，真係一啲都唔好笑。
2. 「你唔可以冷靜少少嘅咩？」
同樣喺佢地發嬲嘅時候，如果走去同佢地講「你唔可以冷靜少少嘅咩？」，其實都係等於自己想去送死。如果佢地真係好嬲嘅話，又點會冷靜得到呢？仲咁講咪者係等於你唔認同佢堅持緊嘅立場，當然會令佢地更加憤怒啦！
3. 「你幾重？」
除左年齡之外，體重都同樣係女士嘅禁忌，而且佢地自己本身都對於自己嘅體重非常敏感，好怕人地對佢地嘅身形體重提出任何評價。對比起直接問佢地幾重，或者您可以換個角度假設左佢地體重先，例如話「你一定唔夠XXX磅啦？我一抱就抱得起你喇！」，咁反而會令佢地覺得自己身形睇唔出係超過左唔理想嘅磅數，相反更覺得您滿意佢地嘅身形添！
4. 「點解你會頂得順同到佢地做朋友架？」
女士朋友圈嘅組成，係複雜得並唔係一般男士理解得到嘅。所以當您問起佢點解可以忍受到同某某做朋友嘅時候，某程度上同時都係質疑緊自己點解會同到您面前呢位對象做朋友。此外呢個嘅提問，更加表現左當您嘅另一半同佢嘅朋友出去嘅時候，您並唔信任佢。
5. 「你真係想咁著呀？」
等女朋友出門口好多時候的時間都會非常漫長，除左化妝吹頭之外，襯衫更加係會用多好多倍時間，令人要識得耐心等待。假如佢地搞完一輪出到嚟，您走去問佢係唔係真係想咁出門口，佢地自信就會頓時動搖，令佢地有換過另一套衫嘅衝動。對比起因為問左呢個問題而搞到您要等多成個鐘，接受佢嘅衣著唔係更加簡單直接咩？記住，您係鐘意佢個人而唔係佢套衫啦...…
6. 「你同過幾多人上床？」
咁私人嘅問題對於普通人嚟講，真係非常冒犯，而且你咁樣問得人，就等同於假設對方已經唔係處女一樣，令人非常尷尬。如果對方係真係信任您而且同您非常親密嘅話，佢地自自然然就會搵機會話您知，而唔需要您刻意問佢地。
7. 「你仲食唔食？」
自己食完碟上面嘅食物，見自己身邊女伴嘅野食未食完，仲停晒手咁，喺呢個時候，唔少人都會因為怕浪費食物就問對方仲食唔食，唔食就比埋您食。首先如果您想問呢個問題，最重要係要了解自己同佢地熟唔熟先，因為頭幾次同對象出街，佢地或者會怕尷尬而儘量食少啲。
8. 「你阿妹／家姐係唔係同你一樣咁靚女？」
當知道左女仔係有阿妹或者家姐嘅時候，唔少男性都會出於本能問人地姊妹靚唔靚女。但其實咁樣問，對於女方嚟講都真係幾odd，除左好似對方唔尊重自己之外，如果自己個妹只係小學生情況就會更加詭異。所以都係唔好問咁多喇...…
