Happy Friday放工同朋友、同事去飲野，而且更會因為傾計口淡淡，習慣會叫番杯Cocktail嚟飲？咁樣或者你就要留意下自己飲野嘅習慣喇！因為原來喺咁多款Cocktails裡面，當中有幾款係會令你越飲越肥架！要成功Keep Fit成為眾人嘅男神，咁你就一定要留意番喇！
1. Long Island Iced Tea
卡路里： 780
碳水化合物：44克
對於營養師嚟講，一杯含有超過一種酒精嘅Cocktail當中嘅卡路里就一定會高，加上長島冰茶仲係含有可樂，即大量糖分，因此飲得多就一定會令人致肥。如果想避免咁嘅情況發生，或者你可以轉飲甜酒配健怡可樂，再加上一片青檸，咁就可以為你減少超過600卡路里。
2. Mai Tai
卡路里：350
碳水化合物：30克
Mai Tai香甜又似甜品，係唔少人鐘意嘅Cocktail，但亦因為呢個原因，佢都係含有非常高嘅卡路里。所以與其加入含有糖分嘅果汁，不如都係用有味伏特加代替吧～
3. Margarita
卡路里： 740
碳水化合物：56克
夏日炎炎，唔少人辛勞工作一日之後或者就會叫番杯Margarita，感覺上好似會幾消暑咁。但其實一般嚟講小小嘅一杯原來就有成740卡路里咁多！所以都係諗清楚先好呀！
4. Pina Colada
卡路里： 644
碳水化合物：90克
Pina Colada啖啖嘅椰香真係吸引唔少人叫佢，但當您知道佢所含嘅卡路里之後，你或者就會因此而改觀。與其飲Pina Colada，不如就以雲尼拿伏特加配健怡可樂代替，咁就可以避免吸收500個卡路里喇！
5. White Russian
卡路里： 425
碳水化合物：26克
除左多種酒精混合嘅Cocktail之外，含有鮮忌廉嘅Cocktail其實都係充滿著卡路里，而且更加係有大量糖分同埋脂肪，所以同甜品一樣道理，都係少飲為妙嘅好。
6. Champagne Cocktail
卡路里：250
碳水化合物：13克
香檳其實就係等同於糖分，所以喺香檳之上再加上額外嘅調味飲品，咁就等於喺入面更多含有大量糖分及卡路里嘅飲品，飲得多久自然會肥。所以假如您想飲香檳Cocktail嘅話，或者可以轉為選擇French 75。
7. Fog Cutter
卡路里：225
碳水化合物：13克
呢種酒其實係由多過一種酒調製而成，有營養師就話，呢啲混合而成既酒都對我哋身體利多於弊，而且因為要將呢款酒既味道調到更易入口，調酒師一般會額外再有一種勁甜既添加劑，所以卡路里絕對唔低。
8. Gin/Vodka & Tonic
卡路里： 200
碳水化合物：14 克
好多人都以為呢類酒係屬於低卡路里飲品，但事實上佢入面加咗好多含有糖份既tonic水。雖然佢未至於係咁多款Cocktail中最會令人致肥既一款，但卡路里一樣唔低！如果可以的話，下次不妨叫杯梳打水代替算喇。
9. Mojito
卡路里：160
碳水化合物：12克
就算平日無飲開酒既人都一定聽過呢款酒個名，佢幾乎係所有酒吧中最受歡迎既一款飲品之一。唔好以為睇落成杯野飲都係透明，杯入面仲有幾塊薄荷葉就好清新咁，事實上好多酒吧都會係入面加咗唔少糖落去，咁即係你身體同時都會注入咗唔少卡路里。
10. Cosmopolitan
卡路里：150
碳水化合物：10克
淨係聽個名，都已經可以吸引到唔少時髦既人點嚟飲，尤其係女性更會特別鐘情呢款飲品既外形，貪佢夠細杯；但其實呢杯酒入面既糖份都唔少，加上佢就係佢細細杯，好容易令你點完一杯又一杯，如果想飲類似既飲品，不妨試吓vodka再加紅莓汁。
