對於靚既定義，唔同人，唔同性別，其至唔同國家都有自己一套標準，有啲我哋睇起嚟覺得稀奇古怪既，換咗第二個地方既人，就會覺得係寶。咁究竟以下呢九個國家既人，對於男士們「帥」既standard又係啲咩呢？

1. 美國

喺美國「靚仔」既定義，首先係白人，所以早前有研究就指出，荷里活電影角色之中就有83%既男演員係白人。除此之外，仲要睇落夠大隻、強壯，如果留埋鬚，咁就最性感有型喇！

2. 墨西哥

墨西哥人認為，男士們要有傳統男性既形象，即係愈man愈好；喺2000年時，就有研究指出，墨西哥男士係全世界之中自負指數排第二既國家，僅次於委內端拉。

3. 巴西

當地人認為要帥就係要有一副古銅色既body，加埋標準既五官，咁先叫靚仔；所以，當巴西人個個都想有靚樣既時候，當地既整容業亦因為咁而十分發達。

4. 南非

係南非有79.6%係黑人，只有8.9%係白人，而當地人一向崇尚西方人既身材，所以一啲強壯既白人男士，係當地就最吸引。

5. 尼日利亞

唔少尼日利亞既後生仔，都會特別崇拜當地識音樂既男士們，而且特別鐘情一啲精壯，有勇氣又cool cool哋既男仔既。

6. 土耳其

當地人對於男士們「帥」既標準，由以前鐘意佢地夠陽剛，變咗細心浪漫型；另外，土耳其人認為男士們無胸毛先係最好，所以當地唔少美容服務中銷售情況最理想既，就係幫男士們剃胸毛。

7. 意大利

提起意大利，你可能會諗到一系列時裝名牌，無錯！意大利既男人，最鐘意打扮；佢地會刻意著啲特別修身既衫，用嚟突顯自己身材。

8. 英國

英國人，你第一時間可能會諗起碧咸……同佢身上既紋身！呢樣亦係英國男士們既特色之一，每5個英國人之中，就有1個有紋身，仲有最好留埋鬚，咁就更吸引。

9. 韓國

講起韓國，你可能會諗起K-POP，但你又知唔知韓國男子要點樣先叫做型呢？喺整容手術出哂名既韓國，就連男士都崇尚整容，佢地理想既模樣係大眼、雙眼皮同高鼻，為咗令自己個樣更靚，佢地出街時仲會化妝。

圖片來源：Youtube