【食譜】「炒大鑊」小炒王

一直忘記了補番呢個小炒王食譜。

記得呢個係早幾個星期，有一個星期日包包病了，我同大少爺兩個成晚無瞓。

見大少爺個樣都累到不得了，所以不顧一切煮一樣佢喜歡既食物替佢打氣。

至於我？我無乜點去諗自己，只希望仲有少少能量，就服侍佢兩仔爺先。

小炒王其實唔難整，但唔知點解咁多人喜歡，我用了韭菜花、鮮魷、腰果、蝦干及XO醬去整。

腰果自己炸，好有誠意的。

材料：

腰果   半碗(視乎你喜歡)

韭菜花   1扎

蝦干      隨意

鮮魷    2隻

生抽    少許(約1茶匙)

酒      少許

Xo醬   半湯匙

糖  　半茶匙

蒜頭    2粒

做法：

1. 將腰果炸好、鮮魷洗淨切件、蝦干浸軟身後索乾水

2. 韭菜花浸洗後切段

3. 準備好後先爆香蒜頭，然後放入鮮魷、蝦平爆香

4. 加入韭菜花兜勻，加入少許生抽兜勻，放入XO醬及糖再兜勻後贊酒

5. 最後就放埋腰果兜一兜可以上碟

*腰果做法如下：

1. 將腰果沖洗後就煲一煲鹽水，煮一煮腰果

2. 瀝乾水份，再索乾水

3. 小煲放油，炸至金黃色(我好明顯炸耐了)