立法會選舉點投票？（張百恒）

是咁的，今年9月立法會選舉，同天琦嘅立法會補選，以及舊年11月的區選，個玩法都唔同。

區選要爭嘅議席得1個，而補選都係爭1個議席，因此先至會『守住關鍵一席』。大家個想法會係阻止邊個入局。但去到9月，就一次選好多席，個心態變咗做你想邊個入席，即係你鍾意邊個就投邊個。即係話，9月係無『含投』呢回事。(含淚投票的簡稱。不過，好多人覺得已經唔係含淚咁簡單，所以簡稱含投，留下空間由大家自行想像。)

一言以敝之，今年立法會唔使策略，想投邊個就投邊個，無含投呢回事。

其實要講嘅野去到呢度已講完，但要求詳細的話，是可以睇落去的。

新東補選加埋432581票，選1席，所以楊岳橋16萬票先夠贏。如果係9月立法會選舉，新界東9席的話，當投票人數一樣，穩拿一席就係432581票除9，即係48065票。通常參選名單多過議席，即係好多人都唔夠48065票的，咁點算？

呢個時候，就用最大餘額法鳥。

天琦有66524票，只要在9月立選他拿回此票數，他是穩拿一席的。他的餘額是66524 -48065 =18459票。

楊岳橋有160880票，可以穩拿3席，然後有16685票。

鼎佢有150329票，可取3席加6134票。

哪吒有33424票，在餘額中最多票。

如果本土分兩隊，66524除以二，即是33242票，略比哪吒少，入局機會大。泛民分4隊，160880票除4，每隊40220票，已經比哪吒高。因此，立法會的策略是候選人分隊，面向不同的選民，用不同形象去吸引不同選民。而不是選民去含投哪個。所以選民只須投自己喜歡的就可以，策略是參選者要做的事。

而家立法會主要分緊三個範疇打：

1.登記做選民：增加多點支持自己的人成為選民。大家可以找表弟妹登記做選民，協助我們年青一輩形成左右大局的力量。

2.搶義工：候選人和義工永遠不夠，現在四處都爭義工。如果你有意幫忙的話，可以為自己屬意的候選人做義工。

3.傳媒戰：立法會不同區議會，單靠街站會死得。因此大家正就議題打傳媒戰，以宣傳自己的形象，吸引目標選民。上次天琦只靠網路和街站就有六萬六票，楊岳橋用盡壹週刊、蘋果日報大灑銀彈才有十六萬票。證明大家努力打網戰是有助選情的。

作者：張百恒（本文章由聚言時報授權提供）