九州遊記：Day 5

要返香港了，包包呢個旅程好開心～

佢亦比我想像中乖，大部份時間佢都係靜靜咁周圍望。

呢個行程雖然去得少地方，但至少包包每日都有得玩，並非只跟著大人呢！

臨飛前幾個小時，我都為佢安排節目—就係上 AMU Plaza 頂樓坐火車喇！

百貨公司頂樓都有兒童玩既地方，台北三越有、呢度都有。

有個空中庭園，其實無乜地方行，又無乜野睇，但志在比包包玩下。

呢部火車，200yen坐一次，兜兩個圈，包包咁細個當然要……大少爺陪啦！

一班小朋友玩個咁簡單既火車都好開心～

之後去食午餐，再買手信，然後去機場。

去番 JR city既餐廳食，我食海鮮丼。

大少爺同包包既，其實仲有碗蕎麥麵但無影到。

買完手信後就搭的士去機場，今次平了100yen～1320yen就去到。

之後就check in、過關，入閘。

福岡機場好細，餐廳都無。

個機場真係好細，有幾間店但就堆滿人。

包包晌閘口玩陣就上機了～

再見了……明年再會！

希望出年可以去埋鹿兒島、由布院等地方！