悅新鮮 @ TST

好耐無認真去寫過Buffet，因為在公在私我食來食去都係那幾間

或者有時會趁墟去試新嘗試，但好快又走回頭繼續食我心頭好

但尖沙咀Hyatt酒店卻係我在公在私都喜歡去的，除了情意結既Hugo's外

凱悅軒同cafe都係大少爺心頭好，今次試食cafe大受歡迎既龍蝦buffet

幾乎每間酒店既buffet都有龍蝦，對大家來講唔算特別

但今次除了凍盤既龍蝦外，仲有即叫即灼既新鮮龍蝦，同埋最開心最有進步既現烤「悅新鮮」西式肉扒專區

自助晚餐
星期一至五：晚上6時至10時
星期六、日及公眾假期：晚上6時30分至10時
星期一至四：成人 $578小童 $289
星期五至日、公眾假期及前夕：成人 $638  小童 $319
地址：香港尖沙咀凱悅酒店大堂樓層
(6歲以下小童免費)

先講凍盤，龍蝦係大大隻既，除了龍蝦當然仲有其他既海鮮

食龍蝦一定要熟度剛剛好，雖然呢款係凍盤，但都唔係冷冰冰無感情既

熟度剛好的，我還有食凍蟹、帶子…

剌身類這個牡丹蝦及帶子都必食

除了悅新鮮外，每個月都有唔同主題，今次個主題係以酒入饌

每個區都有唔同酒煮既菜式，包括呢個蟹呢

呢個就係即煮既龍蝦，佢仲係郁既

你可以隨意要1隻或半隻(次數不限的)，咁師父會幫你灼

睇下幾新鮮，仲有四款醬汁配既

我最喜歡泰式酸辣汁呢！還有番茄沙沙汁等等可以選擇

熟食區最吸引我係燒鰻魚，好好食啊

大少爺一定妒忌我

呢個我食了兩串

還有大家都覺得係回本既鵝肝

厚切的

呢個就係酒煮入饌其中一樣，酒糟蒸魚，好好食的 

即炸既天婦羅每次我都忍唔住食

來到第二個重點…即烤扒類

Hyatt Tst一向有個燒烤專區，我一直都有點意見覺得可以做得更好

今次換了即烤既扒類

你可以點選心水既扒類，師傅會即時幫你烤，好處係每一件都即時烤

咁每一件都唔會烤得太熟，相反一早烤定既話，會有d係過熟既呢

呢件就係我既肉眼喇！好香既燒烤味之餘，熟度剛剛好呢

到甜品，呢度既甜品選擇多，除了我影到既之外仲有 yogurt雪糕同不同甜品

每次都唔會失望，而且係有師傅取餅，唔會比人整到爛晒的

呢度個 macaroon非常好味，我食 raspberry味，好得啊

又令大少爺妒忌了

呢個杏仁蛋糕又係非常好味

望番都好想再食過

呢個臭包仔，瘋狂食人既餅同麵包

食到佢幾開心