【食譜】炸滑豆腐

之前在酒樓食過滑滑炸豆腐，好想試下整比愛食豆腐嘅老公試下。   

效果唔錯，不過有兩點要留意，首先豆腐要炸得乾身，同炸起要立即趁熱食用，先可以保持脆口。

材料：

盒裝煎炸豆腐　1件

乾炸料 (所有材料預先攪勻):

生粉　4湯匙

幼鹽　1茶匙

胡椒　 適量

吉士粉 1茶匙 （加色用, 可免）

做法：

1)   豆腐脫盒後在室溫放1-2小時，待多餘水份流出

2) 準備乾炸料 (所有材料預先攪勻):

3) 將豆腐切成小件,  小心用廚紙吸乾水份, 將豆腐放入炸料中， 四面均勻沾上炸料。

4) 中火燒滾油， 小心投入豆腐， 炸至微黃， 上碟前開大火迫出多餘油份及至豆腐乾身便可。
    小心撈起放廚紙上略吸油份便可上碟。