寫程式，豈止揼Code？文：（larrylo）

學寫程式，初時對住個芒，見到幾個怪雞語言，鬼畫符號，打一兩句尚可跟到。時間日久，學上 looping 和 if，轉變太快，跟不上。我總要倍花時間練習，對住一行行紅色爆粗改寫，直至行到為止。心煩氣燥，私補繁多，更會借借朋友參考，胡混渡日，做個demo算數。好多初學寫Code嘅朋友，學左幾年，畢業之後做Programmer，上手倍感困惑，先後悔當初冇好好學習。另外，加上一堆堆排程管理，進度匯報，數不盡的測試，究竟如何是好？

首先，要拎起上手揼Code。揼Code，名叫Coding，要從基本學起，學好 looping，if-else ，第一層。途中，初次上手，尤其極少接觸電腦，或電子遊戲者，會倍感困難 — 對方諗嘢情感觸為覺為先，邏輯推斷在後。一般人寫段程式，總有錯漏。行行紅色易改，結果出錯難查。前者寫出 uncompiled code，完全行唔到，會被事先警告；後者寫出 compiled code，順利運作，但難以決定運作與否。難以決定運作與否，唔等於編寫程式嘅人白痴，硬膠，冇邏輯，一時一樣，而係唔知自己做緊乜，點解要寫程式。要正確判斷程式運行是否正確，是否合乎要求，有二：清晰構圖、求學決心。如何有清晰構圖，上文《寫 APPS 都要畫FLOW CHART?》已經詳細透露，只需不斷重覆修練改進，定必提升邏輯思維，開始注重細節。後者，就要問自己可以搏到幾盡，可以唔怕苦悶而學到最後。

其次，要學問。唔少心急上人，見到錯誤，或有bugs，會第一時間埋頭睇Code，估邊度錯，改邊一行。人總要先入為主，解決問題唔會綜觀全局，左改右度做住先，最後行錯晒。程式以前達到目的，都會因為心急改動，搞到行唔到，衰過唔做。所以，要先閱讀錯誤訊息，程式除錯記錄（Debug Console），再審視問題程式，是否行錯。一般編寫工具都會提點你邊一行出事，就指導你去邊一行修改。同樣，都會因為先入為主，改多錯多。一句到尾，深呼吸，慢慢跟線索去查探錯誤原因，再去修改，方為上計。如何求救Google，Stackoverflow，Github 方法就下文再講，但相信參考其他心急上人問問題出出POST，你都可以略知一二。

很多人都會以為要先學好 Data Structure，打好根基，再學習其他模組設計，項目管理，等等。其實，程式本身就係一連串電腦指令，背後反映編寫程式者嘅思維，邏輯判斷。日日寫程式，就係日日去思考。你思維如何，就取決於你平日生活習慣，個人喜好﹐善惡美醜。因此，先學做人，冷靜分析問題，然後學上任何深諳造技，都只會受到時間局限。

作者：larrylo（本文章由聚言時報授權提供）