做老闆，最重要的是識定方向、做決定、訂決策、提士氣。做公關，卻是多多搞作，搞關係、搞人心、搞品牌、搞訊息發佈、搞表達手法。 兩者需要的技巧與思路，的確有點不同。認識過一些搞公關很叻的人，自組公司幫客戶搞品牌推廣、搞傳媒關係，最終客戶不太滿意，合作伙伴怨聲載道，吃力不討好，辛苦又難做。他們欠的絕不是知識與人脈，而是搞生意背後的邏輯與運作手法。其實，忙完一日，究竟為何呢？

一個公關老闆，晨早6點到了酒店參加早餐會，拉客拉屎拉生意，派了幾十張卡片，和講了數十遍一模一樣的對白後，已經9點幾了。剛過了交通peak hour，趕回公司想覆幾個email睇睇文件，轉眼就已經到中午，醒起ad hoc約了客人到中環食lunch傾野，就飛奔出去了。下午2點幾，在尖沙咀地鐵站出口等著那個剛在中大畢業的fresh grad下屬，帶proposal出來一起向幾台客戶做pitch，3點一個、4點半一個、5點半又一個，一場接一場。

終於完了，累壞了，回到公司，想捉幾個同事開會傾傾幾個project的進度，OMG，原來已經7點幾，望望Mary、Andy與Phoebe的面口，好似又於心不忍。他們走後，隨手拿起桌上的手機，看一看whatsapp，嘩，103個message；微信，58個。仲有7個miss call，大獲了！因為，其中有2個係老婆打來，心諗，今次真是……


客戶永遠見不完，creative永遠都未夠完美，活動永遠都參與唔晒，人永遠都識唔夠。但是，時間卻是有限，精神體力可是會透支，專注力必定會下降！何不做個老闆，不是做個公關式老闆，識定大方向、做快決定、訂立決策、提升同事士氣，等人去幫你分擔，而不是自己做晒！