【美女總廚主理】不限時、免長龍歎抹茶．日本和室任你Hea

今日「京林屋」香港分店開張，有得歎綠茶，兩公婆晨早10點就出門口，準備去希慎6樓排隊。

對方「中村藤吉」則於５個前已登陸香港。

我一直「吼」住舖內兩個仿古日式茶室，總廚Helen帶我們入座時問我:「介唔介意坐茶室？」我求之不得啦！

(雖然這裡沒有無敵海景， 但坐在這個日系茶室， 感覺超正， 連抹茶都覺好飲好多， 極力推介～

點都要等茶室位嚟坐， 值回票價)

「京林屋」傅嘉莉推介:「蕨餅係師傅每日即場整， 好新鮮好好食架。」

對！ 煙煙韌韌的蕨餅我喜愛，但孤寒的我， 一早已熟讀餐牌， 蕨餅可以在多款甜品中都找到， 嘻嘻！梗係唔單點啦！

特製林屋抹茶餡蜜 ， 正正就是有招牌抹茶蕨餅， 還有啫哩、寒天、 雪糕及紅豆...…

(中村一樣有內容相若的抹茶果凍， 同等價錢但就沒有蕨餅， 換來多一球雪糕， 你鍾意食蕨餅， 定雪糕？)

好多朋友問:「兩間邊間好食D？」

半年前的味道好難作準， 但兩間都一樣濃濃茶味， 但感覺「京林屋」苦味較輕， 總知兩間也差不多。

好食， 好好食。

香港限定版抹茶芭菲 ， 由雪糕， 換上軟雪糕， 再加入蕨餅， 與日本版芭菲一樣有士多啤梨， 啫哩， 黃桃...…

軟雪糕較一球球的雪糕更令我滿足。（但係就易溶啲囉）

(同樣問題...…邊間好食D？) 視乎你愛軟雪糕， 還是一球球雪糕， 因為抹茶芭菲兩間價錢一樣。

反而我一定不會點中村的丸十芭菲，貴十元， 還要包含我最討厭的海綿蛋糕.

玉露玉艷 ， 一定必點， 自己抺茶自己泡， 第一杯由大廚出馬...…

嘩！杯茶鹹嘅？ 但鹹得很過癮， 一杯你一飲即時興奮的綠茶。

Maggie解釋:「呢啲係「玉露」天然味道， 不過， 你再沖第二、 三、 四杯， 鹹味就會愈來愈淡， 之後日本傳統會添少少柚子醬油入餘下的茶葉食用」

仁老將醬油聽錯柚子汁， 倒了半樽， 以為茶葉變甜品， 一大啖放入口..…

嘩！救命呀！鹹到想嘔...…水水水！

阿太:「人哋講明豉油， 我就唔明你落咁多做乜……

原來加少少豉油真係幾好食， 我即刻過去CitySuper買支柚子豉油返屋企， 食茶葉先得！」

（唔駛預我， 有少少陰影）

「京林屋」除了有日味超濃的茶室， 還有一個好處， 就是沒有限時， 任Hea任坐。

何謂歎甜品呢？ 當然不要在90分鐘的心理壓力下， 趕頭趕命食快餐吧！

京林屋Kyo Hayashiya
地址：銅鑼灣希慎廣場