【食譜】奶白紅衫魚湯

之前聽朋友講柴灣漁灣邨街市的海鮮比較平，種類亦多，今天去開柴灣有點時間逐去逛逛，果然所言非虛，雖不至很平，價錢一般比港島其他街市平10-15%左右，但勝在種類較多，很多少見的魚種這裡都見到，今天見到有些手掌大小的小紅衫魚，雖然是盤裝魚，但眼見有十多條，睇得出仍很新鮮，全部已劏乾淨，只盛惠廿五大元，超值！所以忍唔到手買咗一盤返屋企煲魚湯。

返到屋企首先清理咗啲魚先，魚檔劏得尚算乾淨，唯魚鱗未刮清哂，處理好後用廚紙抹乾魚身。

薑切片，燒熱鑊，下油爆香薑片，放入紅衫魚煎香兩邊，加水煲滾，轉慢火煲約30分鐘至湯轉奶白色，放少許鹽調味。

最後以湯隔罩隔去湯渣魚骨，或可預先以煲湯袋入住啲魚嚟煲，免去隔渣步驟，但個人覺得原鍋去煲比較原汁原味，亦能令魚嘅精華盡出。

完成。