朋友仔約吃飯，我有啲頭痕去邊度好呢，屋企附近嗰d有點悶，遠又唔想去，朋友就話，誰~誰~誰~去過一間意大利餐廳，好正。亞邊個~ 都係咁話佢好正。咁係邊吖，我唔知啊！我淨系知系洪水橋，行到好入，咁！叫乜嘢名牙，唔知啊，我淨知係社企。
竟然遇到d不負責任嘅人，後來我搵到尼間餐廳，哪知道，我竟然坐左係度等左一小時，那班不負責任嘅人才來。
好在大把位，如果唔系坐咁耐，實比人趕走姐
其實而家做社企都唔容易，哈~～由社工構思，下屬去執行，而不是由商人去經營，生意……
哼，要我等你地咁耐先黎到，唔知好唔好食，唔好食，我一定會好嬲！
這間餐廳旨在幫助婦女及青少年投入社會
不過服務質素就很參差不齊，有些很投入很稱職，有些就另人失望。
餐廳環境佈置簡約，人唔多啱晒我地坐咁耐吹足咁耐水。
跟餐的沙律菜，配上胡麻醬很清新，不過應該是不會轉換款式的。
餐湯有磨菇湯及南瓜湯比你揀，磨菇湯好足料又很滑，好在牛油味不重，否則湯不夠熱會感覺到膩。
我點的，脆皮德國咸豬膝配點椒汁，醬汁調的味道不錯，皮真的很脆，意粉很重蒜蓉味很對我胃口
朋友的安格斯肉眼扒, 6成熟剛剛好，原本怕太生，可能大家認知唔同，朋友們都話下次5成熟好了，he~~
厚切加拿大黑豚排，很甜很冧又大大塊，最好是無豬羶味。
焗羊架寶雲酥配薄荷啫喱，羊架就很羶，啱晒鍾意食羊嘅朋友。
這裏的凍飲很大杯的，咖啡還是有機的，甜品則是蓮花杯，有加一服務費。
食品大家都滿意有質素，味道亦唔錯，不過出餐就很慢，好在我地是分食的，不然有些朋友仔就會餓親。
Fantastic Ladies Cafe 悠悶閣餐廳
地區：元朗洪水橋
