有人經常嘆息別國工作的待遇一定會比香港的好，更會因此萌生出到外闖闖的意念。但不少人在去到外國的時候，才會發現幻想與現實的分別... 說真的，世界職場上衰人夠多，又點止會得香港有？
近日，外國一個專門報導日本文化的網站就找來了日本打工仔在社交網絡Twitter上發出的貼文，找出一般日本打工仔每天所面對的工作難處及變態的工作文化。
看過這9個故事之後發現... 原來情況也跟香港的差不多呢...？
9. 「大鑊，做會計唔見左張發票！去左邊呀喂？」
extra_flight：
「o係要埋好盤數個日，我發覺唔見左一張發票喎！咁我就發晒癲咁去搵啦... 但就搵極都搵唔到.. 唯有放棄去同老細講唔見左啦。跟住佢同我講：『我好想見到你對工作的熱誠，從今天起，唔好再整唔見D單喇。』然後佢就係恤衫袋度拎番我唔見左張發票出黎... 個張搵左我5個鐘頭既發票... 好想辭職...」
8. 「好想減輕白領的負擔呢...」
mamekichirou：
「我好想整一個制，能夠一禁就令白領（サラリーマン）腳下的樓梯變成滑梯，咁就可以減輕佢地既負擔了...（來自一名善心的雙失青年）」
*注：サラリーマン（Salaryman）是指我們的白領一族，特徵是穿著套裝在辦公室內工作，是受僱於企業的受薪階級人士。*
7. 「對唔住呀！你咁多野做仲比咁多野你！」
hase0831：
「同人講：『對唔住呀！你咁多野做仲比咁多野你！』其實係唔會令人少左野做。對比起講對唔住，或者你可以換個角度讚下佢仲好。如果工作上每一個人都有咁既工作態度，講D正面積極D既野而唔係講對唔住，咁樣工作氣氛都會好D。我會叫呢種做事方式做『唔好係忙緊既人面前做衰人』既工作態度。」
*注：在日本的文化裡，「對唔住」其實較常在打擾人，要求對方做某些事情的時候使用。*
6. 「好想請假呀...！！」
sayn0：
「成日都見到人係Twitter講佢地好想請假，但就一定唔會係Facebook見到！」
*注：因為大部分企業都會看緊員工的Facebook動向，或是根本Block了Facebook，不能在工作時使用，因此不少的日本打工仔都是用Twitter溝通的。*
5. 「我唔想係番工個時死...」
okamotolynn：
「我仲係學生，番緊part-time個時試過，有一個客間公司既職員突然無番工。o個個人平時明明好盡責，但又無打番去通知任何人喎。於是佢公司有個同事就趁Lunch去佢屋企睇下佢點，點知原來佢心臟病發過左身。然後老細同我地講：『記住每日都要番工，咁既話下晝死左都有發現到您。』」
4. 「政府工無OT架lor？」
ushinsya：
「我曾經偷聽過一個令人好絕望的對話：『唉，無公司係唔使OT架lor，我應該打政府工，咁我就唔使OT喇。』『邊個話架，我係打政府工既，我係無OT架，不過就成日比人叫我地留低做野，仲要無補水。』『下，咁一定係咁架啦，我地納左稅架嘛！唔該你做好D呀！』」
3. 「同我燒左D藍紙佢！」
oiqkatou：
「邊個講：『新人咩都唔識』咁就要同我老豆打個招呼。因為45年前佢仲係新人個時，就曾經因為老細叫佢『燒左D設計圖佢』而真係走去燒左D設計圖，當然佢老細係叫佢影印啦... 所以比起我老豆，好多新人而家已經聰明左好多。」
*注：就好像『燒碟』一樣*
2. 「點樣個人先唔會咁攰呢？」
JS_Ecoha：
「電視台個日教人點做先無咁攰，話只要抬高個屁股1cm 5秒，做3次就得。好明顯巴士同火車司機都係因為咁先咁精神，郁動多D小腿血液就可以從腿流到腦部。下次開會好悶可以試下。」
*注：因為日本的白領工作繁忙，每天只有3至4小時的睡眠時間，因此不少人都會找尋令人精神一點的生活小智慧。*
1.「社會上有好多好低能既大人，仲要佢地係完全無腦」
NaofumiTateishi：
「我想同而家仲後生的學生講：『社會上其實係有好多尖酸刻薄既低能大人，仲要佢地係完全無腦兼無憐憫之心。就算佢地對您所訂下的社會潛規則有幾嚴苛，都唔值得你為佢地而流淚。唔好理佢地講咩，只需要行番你認為岩既路就得。』」
來源：RocketNews24
