做保險,冇客 = 失敗

以前細個年少無知,走去學人賣保險,又容易信人講,只要做幾年以後唔駛做,上班時間彈性,有嘢學有錢賺,做得好公司請你去旅行添,你話是不是是一份dream job。當然我也明白想像和現實總有一個適當的落差,就如你唔會天真到相信出前一丁的封面相,和你會煮出來的一模一樣吧。

一做兩年,但我必須承認,我幹這行業時是失敗的,也不必找藉口,甚麼份工唔適合,甚麼同同事唔啱傾…. please cut the crap。根本原因得一個,就係撈唔掂。點解撈唔掂?撇開先天因素懶惰之外,因為我根本唔知道自己做緊乜,一個保險從業員的專業是甚麼?那就是揾客,對於保險知識多與否,售後服務好唔好,或幫不幫到人 claim 錢,做到固然好,但 sorry 這不是重點,結論是冇客=失敗,句號。

這不是一個秘密,一份保險的首年保費的大約一半以上是歸 Agent 的,rest of premium ,就派比請個 Agent 翻嚟嗰個Agent,同埋嗰個 Agent 上面個 Agent , 如此類推(為表易分辨,通常都會整個 hierarchy出來,等大家威嚇)… 所以保險公司頭嗰年是白做的,如果個 Agent 再玩嚇嘢,跳去第二間,又叫啲客 cut 嚇單,咁保險公司真係得個攪字。

忽發奇想,為甚麼佣金會這麼高?可能真係揾客難,或產品難 sell,也因為要餬口,唯有選擇一年唔發市,發市當一年的 strategy,但如果有一個 Channel 可以做到客戶互換,你嘅客即係我嘅客,我嘅客即係你嘅客,你揾到一個客等於揾到十個客,而如果客戶 Acquiring 成本降低,那佣金照理就不會那麼高吧,保費自然有下調空間,保險公司做多咗生意,客人又可以多點保障,你話幾何樂而不為呢?

當然上述的奇想只是痴人說夢,在這個有奶便是娘,有客便是王的世界,那有傻仔會咁做?我當然不會自大亦冇能力去改變這個生態,但我們 think big, start small,可唔可以由小做起?創業的人有個特點,就是「兩有一沒有」,他們有火有時間,冇錢(sad)。我們不能為他們做到 asset allocation,但可以做到 talent allocation 。

如果做生意硬係要加一個vision 和 mission 的話,相信就是 TALENT ALLOCATION 這個 terms 就是我們的開始。


 做保險,冇客 = 失敗

 https://www.facebook.com/pot.hk.media