辦公室如家，同事乃最親的朋友

POT.HK：對於大部份的香港來説，辦公室裡的同事比家人朋友都要親，因為見到他們，與他們相處的時光比任何家人與朋友都要多。雖然有人説辦公室裡沒有真朋友，但如何辦公室裡連一個酒肉朋友，陪你笑一笑的時光也沒有，那不是更慘嗎？很多時候，我們只有到離開那一天才明白這個道理。

作者：廣告界袋底泥

唔經唔覺阿旺係公司做咗差唔多一年半，響一間流轉率高過早餐時段嘅澳牛嘅公司做嘢，阿旺已經變咗老屎忽，有時同 d同事講起都會發現有好多我嘅故事裡面d同事都已經離開咗，仲可以同我分享共同回憶嘅，就只有一 d靈魂都已經被抽乾，淨返個軀殼嘅更老屎忽。

今日終於到阿旺嘅last day，一返到公司就開始執嘢，慢慢將檯面嘅物件收起放入袋裡面。每放一件落背囊，收起嘅唔止係一張紙條，同時仲收起埋同事同我之間嘅一段回憶，有 OT做嘢俾人串我 「你慢慢做啦」，有偷完零食俾人捉到寫俾我嘅恐嚇紙條 「偷精賊」，有女同事因太愛慕我而寫個 「你鐵漢柔情勝過黎明」。

每睇一張都好似有一段關於我地過去嘅小短片係我眼前閃過，但回望過去嘅一年半，縱然我係呢個 page到日日無病呻吟屌 d客，但係真正會帶走嘅，只有同事之間嘅一大堆開心回憶。

每日同 d同事打打鬧鬧互相羞辱，返工時間 30%做嘢 70%玩樂，雖然每日都互相問對方 「我幾時可以離開呢度」 但係到宜家真係要走先發覺自己原來都會放唔低，放唔低同事之間難得建立起嘅關係。

我自己成日都會諗，做同事同做朋友係兩件事黎，能夠做同事嘅未必可以做到朋友，而我就係抱住同大家僅止於合作關係嘅心情投入呢間公司，但係一開始加入公司，阿勤見我幾日都着 d有熊仔圖案嘅衫同我講咗句 「乜你好鍾意熊仔架咩」，由嗰時開始，我完全被同事嘅熱情融化。

大家雖然口講話好想走，但係到一個一個咁離開哂，都仲可以 keep住一個禮拜一兩次面，我發現我原本嘅想法好錯，我地係朋友唔係同事。係我工作時候遇到唔開心嘅事情有佢地陪我鬧個客 on9，係我尋找新嘅出路嘅時候有佢地沿途幫我打氣鼓勵我唔好灰心。

派完餅我同之前離職嘅同事一樣頭也不回咁離開，唔係出於對公司嘅怨恨，而係我唔想俾咁多位見到窩囊嘅我係未踏出門口就已經開始眼淚鼻涕乜都留哂出黎。阿紅佢跑出黎門口拉住我隻手。佢係我五十道陰影嘅關係上的主人。

「你走咗我以後 sm邊個？」

我用手掩住自己個嘴，示意阿紅再一次懲罰我呢個快將離開嘅性奴。

阿紅用力拍打我屁股，因為用手摀住嘴，只有發出低沉嘅呻吟聲，但係隨住電梯門關上。

我自由了