Taxi定Uber，香港人可以選擇嗎？

還記得十年前在電視就看到劉天王係廣告入面講既一句經典對白「今時今日咁既服務態度點得架」，呢句說話我相信係好多香港人對住的士司機既心底話。如果有人監管一下的士司機拒載兜路多收錢態度唔好的一籃子問題，我相信係無論本地乘客還是國際旅客對香港近年服務質素的看法都會有所不同。

畢竟很多旅客或者來到香港的第一次接受服務和第一印象就是搭的士，香港人離開家裡出外時想享受快捷和舒適的服務，即係想舒舒服服坐程車其實應該好容易，但的士哥哥們好多時都令我地失望！凱喬自己的差不多每個月都有新體驗！

如上星期由灣仔會展拎住一大袋用具趕去尖沙咀美麗華，一上的士我話要行紅隧，司機話要行西隧，不過我實在中過太多招西隧出左佐敦要過尖沙咀個段好多時都塞到郁唔到，而紅隧個段只係塞入隧道個位，點塞都唔會塞多50蚊！好！我堅持話紅隧，佢竟然同我轉左去西隧，司機你要咁做咁我唯有係前面橋底轉個圈就到既金鐘落車自己搭地鐵，經過長期訓練既我以前會好勞氣同司機大哥嘈，而家已經無氣，但堅持趕時間時最緊要快！

關於快，當香港推出Uber時，工作關係我和同事在外面工作完撞正4點多的的士交更時間等極都等唔到車，等到卻不過海，結果同事用App點了Uber。本人的第一次感受Uber服務，在7分鐘後就有車到仲要係7人車，司機哥哥有禮貌又好快送我地返到公司，雖然係貴一點，但大熱天時在街上為求可以盡快上車回公司Uber可能係Taxi之外的選擇(唯安全和保險不受補則用者自付)，但照現在的狀態還是看Uber Taxi這重頭戲的到來會不會有可能造成新局面。

話說回來，如果的士司機服務好，肯在乘客(end user)角度著想，唔好成日為賺多小小錢而兜路違反了的士提供快捷舒適的獨立乘車服務原則，我相信大家不用找Uber，當然今天後還有沒有Uber都成問題，因為昨天警察已經開始打擊Uber了，但的士服務質素問題卻不知道什麼時候才可以有人去處理去改變……

慢活女子 凱喬 字