隱世技術，一雙巧手帶來的方便

今時今日，要搵一條轉插線，或者你會去電器舖(都未必有)，其實你可以去深水埗搵一個叔叔，講低你要咩線，佢都可以即時幫你駁出嚟。

阿炸之前因為買咗部錄音機，係，呢個年代都仲買錄音機。事源係想拍片時收音好啲，但買咗部機先發現，自己無canon公去3.5乸(大家明唔明？)，咁我就尋遍成個深水埗嘅大小舖頭，點知搵極都無，連賣部錄音機畀我嘅哥哥仔都話咁啱無晒貨，不過有我都要諗諗，因為二百幾蚊。

之後唔覺意咁行過一間地攤，發現有好多轉插頭，即時問老闆有無我想要嘅線，佢二話不說就拎咗一堆出嚟畀我揀，仲話可以即時夾畀我。本身我都以為係啲cheap嘢，用一兩次算啦，點知夾出嚟嘅線係又粗又實淨，55蚊簡直係超值。

我鐘意行深水埗嘅原因，除咗可以搵啲奇怪電器介紹畀大家，其實最想遇到嘅，係靠一對巧手搵食嘅師傅，我個人是真心佩服他們的。