「吹呀吹，讓這風吹…」賣野太硬叫Hard sell，賣野太軟叫Soft sell，賣野扮中立叫share分享。講都唔講等人來買的叫brand品牌。
賣野講功力、講道行。其實，一句到尾，sell野，就是傾計。傾得愉快，deal就來了。傾得不愉快，朋友都無得做啦，deal自然就走。當然，氣氛、時機、第一印象、儀表等因素，都有一定影響啦。
有一次，有一個media sales大頭，是account director那種，第一次見面，cold call的，與我在會議室內，吹了大概一分鐘水，他便拿出一本雜誌，在推他的廣告計劃。我覺得非常悶，眼神已經飄浮了，想東拉西扯推托算了，難得我同事有心想跟他談多一、兩句，卻忽然之間，他爆了一句：「睇落你地都好後生，我估你地都係90後，我地呢o的70後呢，就當然……」我望了望我的同事，他都已經三十開外了，心諗，「唔係呀？你吹到咁浮？！」我笑了笑，指了指他雜誌內其中一篇美容的廣告稿，說：「咁當然啦，我都有去你D客度做facial嘛，哈哈哈！如果唔係，佢地都無錢落廣告啦，哈哈哈！」
半小時內完會，禮貌地送客，之後立刻把卡片丟掉，唔係呀，咩宜家o的account director同人混熟的本領咁差咩？！好不容易邀約見面，但同個客傾計傾得開心D都唔得，點做生意呀大佬？你要明白，客戶，是不會浪費自己時間，請大家思考一下，你帶過去的東西、產品、服務，是不是對客有幫助，定還是你只是想賣野做業績。在「吹」的過程中，data collection做唔到、同人又friend唔到，一味講自己野，連吹水的基本功夫都欠缺，點同客建立長期關係呢？
做生意，適當地吹牛，在所難免。過份吹牛變成吹噓的話，真確程度打了折扣，令人很難再信你。懂吹水的話，就懂得風花說月之餘，在適當時候以一句重點了結，由自己掌握節奏，引領對方講出一些對大家都有價值的話，這就是做得成生意的關鍵了。很可惜，宜家懂吹水的人實在太少了，而且，他們大多都不是從事銷售工作呢，真可惜！
