創業愛與誠

身邊很多朋友都費盡心機搞生意，諗橋啦、搞業務啦、與潛在客戶打好關係啦、同supplier傾價啦、管人管數啦……總之，永遠忙到無時間呢。不過，只要一有時間，我都很喜歡同朋友吹水，了解一下市場最新情況和經營策略，娛樂之餘都順便學習一下嘛！

早前，同一位朋友飲茶，講到她自己所搞的生意，感覺都幾有趣。她做了一個屬於自己的品牌，叫「TEBie」，「特別」的普通話發音，有意念（故事）、有產品（公仔），主力想透過這系列的產品，提升親子之間的互動，兼具德育教育的功能。朋友創立這個品牌的目的，是希望各位家長在注重成績和技藝之餘，亦多多關注小孩的身心、德育和價值觀的發展。她相信modeling和parenting是小孩成長的關鍵，所以，「以身作則，愛由心生teach by example, bond with love」，就是她做這門生意的宗旨。

當然，做生意空談理念並不足夠，因為再宏大的理想，都必須要有高效的執行計劃配合才可成事。在香港，難搞的是搞起條銷售渠道。朋友說，在搞自己店和在零售點上架之間，都想做到平衡。一來租金太貴，自己搞專門店風險不低。二來，在品牌未搞起之前，marketing未足夠，就搞上架，恐怕會銷量不佳，影響品牌形象。我亦不太認同常常搞團購促銷，因為這會影響品牌檔次、貨量、定價、物流、存貨等問題。

雖然好似好老土，但做生意走到最後，能夠捱下去的，多是靠愛與誠：對事業熱愛的心和對做生意的誠意。因為如果只以business、做deal或營運角度去考慮的話，動輒就cut cost、止蝕、exit、改planning，是無辦法做好一盤長遠的生意，尤其是對人的生意，例如教育、培訓、輔導等。

所以，究竟因為有錢所以做生意成功、定因為做生意成功所以有錢、定因為有心做所以成功呢？這個問題，朋友問我時，大家都答不了呢！不過，錢會花光、生意會面對挑戰，但如果能夠時常保持心態正面的話，終會有能量去處理所有難題呢！

P.S. 有時間的話，可去參考一下，比下意見比我朋友呀！讓他們做得更好！