靚抽好過落廣告！樂視快但小米都唔蠢

Social Media 時代，唔少公司都習慣防守，以防 Social Media 出事，但其實如果向前行多步，來返一個靚抽分分鐘好過落廣告俾 Facebook 賺！

話説昨日小米直播印度發佈會途中塞車睇唔到，PCM 係 Facebook 發表不滿，照計都一件小米危機，但最快反應嘅並唔係小米香港，反而係有少少競爭，但仍未開始直接競爭嘅樂視香港率先出手。

樂視香港留左句「下次可以考慮使用Letv UI直播，全球有超過450個CDN，包你暢通無阻:)」，盛機大讚自已服務器多，夠哂流量做直播，暗示自已睇得順，直播多，以抽水角度真係唔話得。

不過你醒我都唔蠢！既然 PCM 話自已上太空收唔到，小米香港都回返一句「This is Major Tom to Ground Control..」，算係打番圓場。

一來一回，小米雖然未輸得哂，但相比起樂視靚抽，睇來小米今次都要想想辦法！下次直播又出手，被人再抽就唔好啦！

其實當大陸公司放開懷抱抽對方水的時候，外國一樣不時有品牌互相協作討論，來一些有趣 Crossover，但香港公司似乎就… 有待進步，同好多方案一樣，有待進步啦！