當企業發展到一定規模之後，有了「利」，當然想要有「名」和「譽」。
視乎公司的budget有多少吧，要多大有多大，要幾多媒體有幾多媒體，要幾高調有幾高調，要幾浮誇有幾浮誇。因為，香港靠賣獎和搞比賽維生的單位，實在太多了！而公司往往的確很貪心，成日都想有唔同channel的報導在媒體出現，所以，一方肯買，另一方又肯賣，一拍即合。
不過，質素方面就有點兒動魄驚心了；有時連我都想像唔到，光怪陸離的事會常常發生……
例如，原來有一些比賽的panel評審，真的可以很「流」亦很「忙」；會都無開過，參賽文件都未看過，頒獎禮也無到過，也好意思叫做評委？另外，公司獲獎名稱與獎項銜頭可以隨便改，得獎原因可以老作，得獎的報導其實是advertorial，是package中包含在內，都無問題，因這是遊戲規則嘛；但竟然派過fresh graduate來做訪問之餘仲要訪問已完成一半才發現唔記得開個錄音功能，OMG，你玩野咩？連得獎個trophy底部果張包裝招紙都未拆走，上台個司儀讀個公司名時又讀到錯晒，嘩，唔該起果雞欄都起得專業少少、比D誠意，可以嗎？唔係點樣賣得出呀？
不過，講起那些價單，比男人更不可信。面價20萬，close deal是7萬。面價9萬8，其實3萬5已OK。而且，落價無預告，亦無回手，落booking落貴了，閣下自理。
為了名譽，想多點曝光、報導，實屬無可厚非。但起碼不要做條水魚，比人當白痴；要做個有要求的參與者，那些低檔次的豬肉獎，就同豬油、地溝油一齊掉落垃圾桶啦！
