【追追趕趕高高低低】全港TOP3最好玩兒童遊樂場 @ 屯門老鼠洲

朋友知道我們來屯門就建議：「帶SY去老鼠洲玩啦！佢一定鍾意， 啲人話係全港TOP3最好玩遊樂場。」

(老鼠洲嗰名咁過癮， 好呀！好呀！~我最初仲以為TOP1 及 TOP2係迪士尼同海洋公園添。)

由兆麟輕鐵站步行到老鼠洲， 不用5分鐘， 十分方便， SY問:「爸爸係米好多老鼠架？ 我好驚喎！」(我話老鼠米奇你都唔驚啦， 老鼠洲駛乜驚呀！)

上網找資料， 原來當年屯門未填海前， 這裡是一個島嶼， 名叫老鼠島(洲)，1985年填海連接後， 便變成兆麟苑及恆福花園。

老鼠洲兒童遊樂公園， 其實很適合小朋友「放電」的地方， 最好就是這裡的小朋友很主動， 短短20分鐘， 就有兩位小女孩主動上前與SY「捉依欣」。

本來我以為可以「甩難」， 誰知SY不停叫：「爸爸陪我啦！！」， 連小妹妹們也沒有嫌棄叔叔年紀太老， 「今次你捉， 下次我捉。」(吓？？) 結果， 我今日的運動量是我整年的總和。

我發現除了小朋友不停走走走， 還有年青人跳跳跳， 難怪當初我也奇怪為何地下會有兩張床褥。

嘩！！因乜差事跳跳跳呀！！跳跳跳特練呀！ 不過， 訓練來有何用途呢？ 莫非新年有表演？ 不過幾位年青人真的跳不停， 精力旺盛過我個囝。

高高低低， 因為老鼠洲是以一艘中式帆船設計而成， 我今日真的走到氣來氣喘。

小玩意的東南西北， 原來每位小朋友也天生一到前面，便轉一轉箭頭， 我問SY點解次次你走到嚟都要轉一下？ 「梗係要啦！！ 你無轉嘅咩？ (點解要轉呢？) 好玩囉！ 」

大斜樓梯簡直如鐵人耐力賽一樣， 6歲的小朋友拉拉拉爬爬爬， 上了船頂， 但4歲的小妹妹害怕：「我上唔到， 我好驚呀， 我行樓梯。」

轉眼間她又真的由另一邊上了船， 嘩！！ 小朋友不論男女， 不論年齡， 為何也可以走得那麼快？ 而且一點氣喘也沒有， 認真甘敗下風。

今日， 我情願選中被捉， 因為我可以躲在船尾後歇息， 朋友說：「可能你生兩個， 有人陪佢玩， 咁阿囝就唔駛要你陪囉！」(原來真咁嘅咩？哎呀...真係知得太遲喇！)

跑了70分鐘， 再加時15分鐘後， 朋友要回家， 我們也有藉口要走， (Yeah！！脫苦海啦！！！) SY當然非常不捨得， 我們與剛剛來的小妹妹道別。

想不到這位手持氫氣球的妹妹竟然對SY說：「我聽日都會嚟玩架， 放假都會嚟， 下次再一齊玩啦！！ 拜拜！」

下次要阿太陪「捉依欣」好了， 我對腳第二朝起床時不停抽筋抽足3次， 叔叔太老了。