年近歲晚，由譚詠麟(校長)、李克勤和陳慧嫻率領一眾環球歌手，包括吳雨霏(Kary)、Mr.、關楚耀(Kelvin)、藍奕邦、Robynn & Kendy、AGA、麥家瑜(Keeva)和Alex Fung(馮翰銘)預先同大家拜早年，恭祝各位羊年行大運，事事順利！
雖然校長正忙於演唱會期間，但仍然精力充沛，即席提議大家一齊發揮自己小宇宙寫揮春，考起各歌手的創意，校長説：「寫揮春既傳統又有心意，今年羊年有好多同音字用到，例如神采飛揚、喜氣洋洋，新年最緊要開心！」
其中Kelvin寫「耀」武「羊」威時令眾人大笑，皆因他連自己個名「耀」字都寫錯，笑言：「好耐無試過罰抄自己個名，所以一時間諗唔起，哈哈！」
而陳慧嫻和Kary一身紅衣上陣，貴氣好意頭，二人十分合襯，就像孖公仔一樣向大家拜年，慧嫻表示：「寫揮春最緊要隨心所欲加上有創意，所以我寫了英文，中西合壁最特別！」新婚Kary表示：「今年開始要派雙封利是啦，好開心，祝大家幸福健康，吐氣『羊』眉！」
