Brave 合金39 Blocker iv 無敵飛天俠 電殛號

Blocker iv 無敵飛天俠 1976年作品，香港唔知有冇播過。
我就冇印像有睇過...愛合金玩具嘅我當然又買黎玩吓。

故名思義Blocker iv，即係有四個駕駛員，四個機械人。
但 CM's 臨終前只出咗 4號電殛號，我想應該電殛號係最受歡迎，最勁果隻吧。
其餘 3 部機械人，惟有買番 CM's 出過嘅 M.A.S. 系列完夢 (全膠品)。

呢盒當時冇一出即買，事關唔係太識佢。
有次行經肥趣見特價先入手，但都係900幾。

內容，一眼睇晒，頭／身／ 兩對手掌／兩個流星槌／膠塞／ 同埋有一張說明"紙"。

戰機拉出機關就變成電殛號頭部。

合身 !

好重手，含金量應該有7成以上。

胸口打開，飛彈全開。
小腹藏有導彈，火力十足。

武器，就係得一對流星槌，可以接駁埋。

電殛號，個人招式仲有呢一嘢。

如果要玩片集裡面呢個招式(雜技) 就要買M.A.S. 系列了。

又同大家講吓呢盒 CM's 合金有乜嘢要注意。
今次最大 bugs 係呢個，手腕 ball joint 同柱竟然用脆弱嘅膠....
加上好緊實，好多人心急，換手時用力搖擺佢，或一扯就斷，即玩完。

如果大家買咗佢，第一件事係張手腕浸一陣熱水，小心水平鬆走手掌。
鬆走手掌後再張圖中 ball joint 磨細少少，漫漫磨，調整鬆緊度，不至於張來換手型太鬆或太緊即可。

除咗手掌呢個 bugs，此品依然是一件好物。