Body cream and body oil

其實我這花心蘿蔔， 平的用， 貴的都用， 只係唔會用死一樣嘢…..例如搽身的products， 好話， 我現在用緊的都有：

Body Shop (之前托朋友在外國買 (當時造大DISCOUNT)， 維起幾廿蚊一枝， 好抵用)

Three (主要搽胸和頸，去紋用。 有啲貴， 勝在味道幾好， 用完都都幾滑。 佢仲未被泉發完全最代，係因為佢滲透力好好多。)

泉發 ~ 搽腳的： 其實我有用兩隻泉發的產品： 分別係搽腳去水腫同搽胸頸去紋。佢哋住要同 three 跟 Clarins contour body treatment oil 間住嚟用….平價啲， 減輕負擔； 因為開咗three 用緊， 所以相嗰枝係搽腳的。

佳善 (搽身， 有時body 超乾， 係會用這品牌的hand cream 搽身….滋潤好多。 況且佢經濟， 用 “hand cream 搽身” 都 “花得起”)

Mint Cream (佢其實都貴， 而且唔係時時有得賣， 偶爾sogo 才會有counter 賣。 但如果起咗濕疹， 搽佢會好有效減低痕癢。 ps 買夠數， 可以有佢品牌的薄荷糖送， 幾好味的。)

Premier body butter (new ) Nivea In-Shower Body Moisturiser (new)

除咗Premier body butter n Nivea In Shower Body Moisturiser，其他我都keep 住用咗好幾年， 有啲都已在blog 介紹過。 這些年， 我都係用完再補貨。 平貴都用 ~ 最主要係我要睇荷包做人。 即係， 你平時多數食大家樂， 但偶爾會去大酒店食個自助餐咁LA。

另外， 有時去做運動， 我一日會冲起碼兩次涼……SORRY， 頭嗰轉， 我一定用平嘢….費事過冇耐又冲涼時， 洗晒佢……..肉赤架嘛。

後來， 就多咗兩樣， 我都覺得好好， 一樣貴， 一樣平。

Premier body butter

講價位， 佢都係我用開的頭幾位….但佢就如cdp 咁….係貴， 但物有所值。 佢有隻好甜的香味， 聞落已覺得好舒服。 佢嘅texture 好creamy， 但不油膩同好快被吸收。 佢 “值回票價”之處， 係 “好快見效”。 搽咗2-3天， 你會覺得皮膚好明顯地變得非常柔軟， 而且可以維持整天。

好可惜佢實在太貴….我唔可以afford 到天天用….只係久時久， 用吓佢， 等自己覺得 “我係blue blood”。

Nivea In-Shower Body Moisturiser

其實初頭係被佢哋嘅廣告吸引，但一直冇買嘅原因， 係有啲 “怪” ~ 因為佢標榜你shower 時用， 搽上身後， 再過水， 就ok。 咁我心諗： wa， 都話晒有油成份， 冲咗落shower box， 實會 “冼”死我………

後來， 天氣實在太凍，我只想冲完涼， 9秒9抹乾身再穿上衣服 ~ 係， 連搽油嗰少少時間， 都唔想花。 所以就試吓用佢…….佢texture 係cream 狀， 但一搽就變了薄薄一層油附在皮膚上。 用水冲一冲就得 (奇就奇在， 佢啲殘留又冇整到shower box 好冼腳wor)。 其實， 後來我試過， 全身濕嗰時， 搽佢， 再用毛巾印乾啲水， 都ok (即不用冲水)。 佢的補濕和滋潤度都好不錯 ~ base on 佢幾廿蚊嘅價位， 好過用baby oil 好多la。

基本上， 以上的body care， 單用都可以。 但有時， 我實在太乾的話 (都係自己衰， 有時太懶， 乜都冇搽….結果皮膚就乾爆， 會痕)， 我會先搽油， 再搽cream 封住； or直頭滴幾滴油落body cream， 再搽勻全身。

其實呢， 仲有幾隻BODY (只用了一回)….如BLISS 咁………用咗都好滑， 但我唔覺得佢會令我收身….其實最有效的收身產品， 就係去做運動。 收身產品， 頂多令皮膚緊緻啲。 所以這類產品， 我多數係 “身痕”才買來試吓。