多謝不做水魚兄的補充。

老實講，呢間俾我見到都唔會買，G40 的基本數據 (被球場拉高的犯罪率)，又對正球場，又對正墳場，你俾我，我一定唔會買。

偏偏當地朋友就偏好呢區，特別係呢個盤。佢話好租，踢波日子封路又唔輪到呢度 (只係街邊唔俾泊車，所以有個泊車位特別重要)。外國人對正球場墳場都租，真係吹佢唔脹。

我私下同佢計下數，淨收 £580 ，回報 7% (Glasgow 正常) 但 agent 會同你講 8% (唔扣 factor fee) ，每月按揭利息唔洗 £200 ，淨現金流近 £400 ，佢又自己管理，慳番管理費，首期加雜費 £25k 左右，咪成近 20% 回報?! 唔怪得佢當日笑而不語，亦唔怪得佢不停咁買。

Glasgow 無錯係求其篤間都有 7% 回報，呢間亦都只係平平凡凡，普普通通，但起碼唔係幾萬鎊陰濕 10% + 回報果啲 ，買左以為執到寶。

平凡先容易複製，可以買買買，Loop Loop Loop

不過都要講，買 Glasgow 真係要好小心，Glasgow 的租客唔易對付。

我這位朋友本身是 personal trainer 加打開 boxing ， 外表都係大大隻，孔武有力樣。

你俾我管理 Glasgow 佢啲租客就 .......

有啲錢係當地人先賺到....