放假嘅日子我而家好少出街,留喺屋企睇吓netflix敷吓mask真係幾寫意~呢排我用咗幾隻香港製造嘅牌子,用多咗,發覺好多都出得廳堂,由品質到包裝其實都非常之唔錯。可能只係缺乏咗啲宣傳,自己係香港人自己都唔認識個品牌。咁好嘢竟然冇人講?唔緊要,咪我講囉。今次介紹下【迎雪】呢個香港品牌,佢哋有好嘅隻宮廷古方面膜粉,仲有單一蒸餾法蒸餾嘅花水,每款都有唔同功效,適合唔同類型嘅肌膚,想唔想知邊隻啱自己呢?

袪痘散 - 痘痘終結者
聽個名都知道呢一款係專門針對暗瘡皮膚嘅面膜粉,主要功效係收斂肌膚、為皮膚排毒、預防暗瘡、加速暗瘡代謝。我曾幾何時都試過不停生暗瘡,但生暗瘡嘅成因真係千絲萬縷,唔一定係塊面好油或者係青春期先會生暗瘡㗎,所以唔會有單一產品可以解決暗瘡問題。如果你好易生暗瘡,我覺得試吓呢隻面膜粉都可以。佢嘅成份有綠茶、蒲公英、綠豆、荷葉,當中嘅綠豆粉,一向都係祛痘嘅好幫手,綠茶抗氧排毒,唔錯㗎!

八白散 - 白過七子白
「七子白」係咩嚟?聽講係晚清御醫為慈禧太后專門配製嘅面膜粉,由7種藥材研磨成粉末,原方藥材包括有白芷、白蘝、白朮、白茯苓、白芨、白蒺藜及白僵蠶。而迎雪就特別加多咗隻圓葉牽牛係成份入面,所以佢哋係叫「八白散」!傳說慈禧就每個星期敷一次,用完有嫩膚、補水、調整膚色、美白嘅功效!膚色均勻白白淨淨,望落去真係後生好多,做女人確實係唔可以偷懶。

珍珠散 - 毛孔吸塵機
古代宮廷妃子一早就識得使用珍珠粉嚟美容,仲會內服外敷!上網search吓,珍珠粉含氨基酸,有效去除皮膚角質死皮、深層清潔毛孔、促進新生細胞合成、延緩衰老、美白祛斑!呢一隻可唔可以內服我就唔知(最後唔好亂試喇)但用嚟敷面真心正。我自己有時仲要當碎粉用,控油好唔錯㗎(未試過嘅可以試下!)用完塊面好似bb咁滑添!

愛美嘅絲打應該都唔會唔識點樣開面膜粉啦?記得開面膜粉唔好用水喉水,因為香港嘅水加咗氯氣,對皮膚其實唔係幾好。可以嘅就用蒸餾水,或者係迎雪嘅蒸餾花水!花水都有好幾款選擇,我就好鐘意梔子花香味嘅七仙露。七仙露由成千上萬梔子花以單一蒸餾法蒸餾而成,天然無添加,有效深層補水、嫩滑肌膚、緊緻肌膚、撫平幼紋。

噴嘴瓶身,噴出來嘅水好細緻,就咁用佢濕敷幾舒服,用嚟抹面仲好乾淨,洗完面記得第一個Step係用七仙露嚟爽膚呀!(P.S. 孕婦避免使用花水,因為蒸餾過程產生嘅微量精油。)

用七仙露開面膜粉係至尊嘅享受!!每次大概用10g左右面膜粉,慢慢加水攪拌(唔好一次過加太多花水)然後就敷上面得㗎喇!第一次敷可以先敷耳背試吓有冇敏感先,雖然產品成份全天然,但敏感嘅嘢真係因人而異嘅。

迎雪嘅產品係純天然無添加,冇人造色素、防腐劑、螢光劑等化學成份,全香港本土製造。包裝俐落,真空衛生,感覺討好,打破我對本地品牌嗰陣「手作味」嘅印象。大家都知道天然嘢一向都會貴少少,加上本地嘅手作唔會係mass production,成本有返咁上下。但係迎雪價錢講真唔算貴,仲有唔少set裝,學生都afford得起嘅程度!

每次都唔洗用好多㗎咋,已經夠敷晒全面。敷大概5~10分鐘就可以抹走(中途覺得乾可以噴一吓花水。)

用珍珠粉去清潔鼻翼同鼻頭呢啲位真係好得!敷完啲皮膚好滑,影相好似有少少反光嘅咁樣(笑)

遲啲試埋另外嗰兩隻面膜粉先!呢排喺屋企冇咩做,或者Work from home冇人望到你個樣,仲唔再加美容等幾時!!即日起至2月28日去迎雪官網買嘢輸我個code【POP10】有10% off!首次購物subscribe電子報更加有 15% off!!滿$350免運費!仲唔快啲入手!

 

迎雪官網:https://www.welcomesnowy.com/
IG:https://www.instagram.com/welcome.snowy/
FB:https://www.facebook.com/welcome.snowy/
MeWe:https://mewe.com/p/%E8%BF%8E%E9%9B%AAwelcomesnowy

 

 

**產品/產品資料由品牌提供,真心分享,歡迎電郵查詢。

 

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com

 



 https://www.facebook.com/popcornellie