【 裝修仝人誌．Andy篇 】 做下屬 思考要同老闆思維同步 ( 裝修仝人誌)

金句：「做乜都要諗多步，自己無論答咗客乜，都要負責！」

於每家公司，每位員工都有一個特別的故事或經歷，分享出來，均可令人增加識見及在想法上有所成長。所以，從本星期起，小編將為大家一一介紹裝修佬內，每位同事的經歷故事。想知初創的工作情況如何？想知裝修佬為何如此成功？想加入裝修佬？這個系列，大家一定要留意啦！

於這一篇，小編先找來性格隨和的：裝修顧問-天生裝修佬 Andy，與他「傾吓計，寫故仔！」Andy是公司3大核心人物之一，人很Nice，亦很鼓勵同事！他就像日劇中一些角色，總會於關鍵時刻大叫：「大家加油！努力！一定掂！」

工作重要 但不要迷失自己

說明：Andy閒時會與下屬飲茶，了解彼此的工作及生活近況。

加入裝修佬前，Andy曾創業，原因是覺得：「繼續打工落去，我真係見唔到將來！」又因為他曾替從事裝修工程的兄長工作了一陣子，因而令他知道，香港很需要一個第三方提供裝修服務的網上平台！

他如何評價裝修佬這家公司？Andy認為：「喺呢間公司，大家都真係做嘢嘅人！每個人都係好主動搵嘢做！所以，唔啱做嘅人，返一兩日工就會唔做！」當然，Andy亦提醒小編：「唔好迷失自己！公司嘅嘢係重要，但順住自己性格，做自己鍾意嘅事，亦非常重要！」

何解？Andy說：「我其實好鍾意幫同事，但有段時間喺公司，我係迫自己唔出手，只係專心做自己嘢，嗰段時間真係好辛苦，好辛苦！我覺得好似迷失咗自己！不過，呢件事亦令我去思考，究竟點，先可以合符自己性格嘅同時，亦可以令公司同埋自己都有成長。好彩，之後我諗通咗，重新投入享受工作！」

向別人說了甚麼 均需負責

說明：Andy與學員講解裝修上的小知識。

「同埋，唔好衝動！即係好多後輩都有呢個情況！當有人提出一樣嘢，佢哋（後輩）又知，就會即刻搶住答，去顯示自己識，但有時，就係咁壞咗件事！」即是甚麼？「就係做乜都要諗多幾步，要知自己無論答咗乜，都係有責任要負！」Andy道

「咁你認為而家裝修佬有乜唔好？或者我哋CEO有乜可以改善嘅地方呢？」小編問

Andy聽後，先認真想了一想，然後很煩惱地道：「我又真係一時間諗唔到！可能因為我係一個好樂觀嘅人，係我眼入面，好多嘢都係好正面！至於Benny，我會覺得佢係一個轉得好快，同埋執行力好強嘅人！但就係因為佢快，所以你嘅思維如果跟唔到佢（思想同步），佢就會炆！呢點係會令同事帶嚟壓力！好彩，佢對Junior嘅同事係唔會咁嘅！」

說罷，Andy又道：「其實，呢幾年，我見佢都變咗，D火收咗好多！換轉早兩年，你真係聽到佢成日大大力拍Mouse！」

成功團隊 需有正面樂觀者 總結這個訪問，其實是可以感受到Andy樂觀正面的性格，而這類人，亦是一個成功團隊內不可缺少！於下一篇，小編將訪問裝修佬另一核心人物：裝修學院Simon，讓他分享一下如何作為一位好上司，及主管請人之道！

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。