INAX 和敬清寂-日式室內設計元素及用料分享會 (裝修物料研究室)

上星期五小編出席咗INAX同裝修佬合辦既和敬清寂-日式室內設計元素及用料分享會，席間更邀請咗著名設計師Andrew Lam分享日式室內設計元素，帶大家從和紙同榻塌米中捕捉日式設計既內蘊。最後仲有DIY班教授日本傳統工藝「金繕」，內容超級豐富。

今次活動有大量室內設計行業人士參加，場面熱鬧。

活動首先邀請咗Andrew Lam 分享日式室內設計的心得。Andrew雖然喺香港長大，但非常熱愛日本文化，早年於日本留學，更娶咗位日本籍既妻子。連打扮都十分似日本人！Andrew藉著和紙，榻榻米以及家品運用三個重點解釋日式建築喺材料運用以及空間氣氛既鋪排。有好多業內人士都表示呢個分享令佢地對日式室內設計了解多咗好多，對於日後既設計亦多咗好多靈感！

本次活動主辦方INAX介紹咗佢地既三款皇牌日式建材科技，當中包括：

1. 吸濕除味既「Ecocarat呼吸磚」，在放有Ecocarat既咖啡豆樽內，濃厚既咖啡味竟被吸得八八九九！除咗可以除臭以外，更可以做到室內調節濕度及防污效果，喺劃時代的新科技。

2. 座廁內璧既Aqua Ceramic塗層，可以防止黏度特高既穢物或水垢殘留於座廁表面上，壽命長達100年。

3. 日式廚櫃─Sunwave 研發出最省力的拉櫃角度，方便家庭主婦於廚房內工作。呢個設計正好印證咗Andrew演說中提及既日式設計精髓──將一件事做到其「最理想狀態」既精神。

除此以外，舉辦方更提供咗美食美酒以及「日本金繕修復術」工作坊，INAX為參加者準備咗瓷杯、紅漆和純金金粉，更邀請咗來自日本既金繕修復專家進行即場指導，等大家可以親身體驗對完美標準既堅持同專注精神。

由於是次活動座位有限，不少設計師報名時名額早已爆滿。如有業內人士希望參加同類型活動，請留意裝修佬以及裝修中伏大全Facebook專頁既宣傳～又或者親自電郵查詢：[email protected]

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。