裝修佬逐個捉 成功的裝修源於溝通 (裝修強)

Roy給人的第一印象是：根本不是一個裝修佬。 答案：裝修是一個行業，行內當然不單只有裝修師傅啦。 Roy的名片上寫著Customer Manager，意味著鴻藝室內裝修，原來有個專業的客務經理負責服務客人。 讓我們了解一下這位Customer Manager到底是何方神聖！

講一下你點解會做裝修這一行？ “我本身做sales，其實冇想過自己會做裝修行業。” 回想當年，機緣際遇認識了老闆（鴻藝室內裝修）之後才有機會接觸裝修。 老闆是什麼人？ 是一位擁有超過三十年經驗的老師傅，手工屬大師級別。 “有一日，佢問我想唔想合作，於是我就加入鴻藝。”

你又不是裝修佬，為什麼是你？ 經營一間公司，有人主內，就要有人主外。老師傅處理工程，Roy負責客人。 和客人的溝通相當重要，所以老闆想要一個懂得面對客人的專才。 有這種想法的人，當然是因為知道自己的不足之處。 “老闆要求高，任何事都想做得好，卻不懂得溝通。” 所以找了個可以把溝通做得最好的人回來。

你覺得自己和一般Sales有何分別？ 我不會刻意sale客的，裝修根本沒這個必要。 所以我覺得自己是一個 filter（過濾器）。 “我負責做好客人與師傅之間的溝通工作。像個傳聲筒？是的，事實上我就是兩班人的傳訊員，我吸收資訊後，再用最準確的方式傳話，促成雙方順利合作。” 感覺就似中間人。

為何裝修都要有一個做溝通的角色？師傅為何不自己去溝通？ “如果客人直接同師傅講價，好大機會鬧交。師傅開價一定有理由，我當然會好清楚，但客人一定唔明白。” 所以有人負責溝通，做一個filter。 “簡單講，如果師傅發脾氣鬧人，都唔會直接鬧客，頂多係鬧我。” 有實力嘅師傅，對自己有要求，亦引以為榮，所以佢地最唔鍾意被人討價。唔係話講價唔好，但都要識得溝通先有得講。客通常會覺得自己「比錢你賺」所以語氣未必太好。 裝修行業可以歸類為血汗錢，我覺得要多啲尊重裝修師傅。 “我作為filter，當然都會幫客：我會審視同評估我手上嘅師傅。” 不少師傅都聲稱「乜都識做」，不過裝修「唔係靠把口」。 鴻藝在Roy的管理之下，一定不會有「靠把口」的裝修師傅。

這份工作最困難的地方是？ “最難係搵人開工。” 找到合適的人組成一支團隊，看似簡單，其實很吃力，因為有很多細節需要考慮，這個就不詳細說明了。順帶一提，找人組隊的過程……只是準備功夫。

開工後，每天都是打仗。 任何時候都可能出現突發事件，十分講求應變能力。

相對其他公司，鴻藝有何優勢？ 其實裝修公司的模式都差不多。 若要找個賣點。 “一定係我本人啦。”

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。