【集郵買買買】叮噹呀!! 大雄呀!! 豆沙包好靚呀!! @ Stand By Me 多啦A夢

上星期因為工作關係未有時間去與叮噹真身合照， 今日多啦A夢(叮噹)希慎Pop-Up Store正式開幕， 我當然不會放過集郵機會吧！！

上午一早到達， 嘩！！ 驚人大發現...叮噹小貨車及限定店本來在啟超道， 但人山人海至一直排到上希慎4樓空中花園， 點解會如此誇張？？ 可能【叮噹呀！誰都喜歡你】的原故吧！

不要問我排了多久， 只知道終於可以入場朝聖， 最最最幸運還是可以順利集郵， 叮噹大雄一次過滿足我兩個願望， 今日真的開心得如同中六合彩一樣。

大家可以留意一下， 原來叮噹對囧囧有神大眼睛， 可以隨時變成不同表情的呀！！ 有機關的Cosplay， 忽然覺得大會好有心思。

Pop-Up Store的限定品其實好貴， 環保袋多一個金色啷啷要$280…對不起， 可能我還未夠忠心， 所以就算心大心細， 環境氣氛影響下， 我還是把持得住， 未有大出血...

最終我只是買了一個由「大班」生產的叮噹紅豆包， 上網看圖也沒有實在來得吸引， 真的好靚！！好靚！！ (遲些大班分店會不會有多啦美， 大雄， 靜香紅豆包出現？？)

叮噹包靚到我不捨得食， 其實我想儲， 我正在想有沒有方法可以令到包包不發霉， 如果大家有秘技， 請教一下， 感謝。

限量扭蛋， 勝在夠便宜， $20抽一次， 一套6款， 人人也想扭叮噹， 我前面的男仕扭了五隻也不中呀！！

到我喇...第一個是大雄(都好)， 另一個抽到是小夫(最唔鍾意)。 失望之餘， 當我正考慮是否繼續「泥足深陷」之際…

我後面的女士一次過全中普通版叮噹正面， 及特別版叮噹背面， 我借來拍照， 不過她說特別版不捨得打開喎...(早知聽阿太話一次過抽六個， 可能就全中一套！！)

叮噹小貨車如果可以輪流入內拍照就好， 我好想坐在司機會扮駕駛呀， 其實我最想擁有一部小露寶小貨車， 每一張凳也套上一個同學的樣貌， 不停播著當年的118集電視劇， 真的十分完美， 不過紅色的小貨車， 阿囝望到可能又只會當「的士」。

忍著淚說GOODBYE的叮噹兩傘， $300大元， 貴就貴在哭泣的叮噹嗎？？ 如果下雨天， 兩傘一接觸到雨水， 叮噹會由哭變成笑， 那就開心得多。

叮噹毛公仔， 特別是腳下印了“STAND BY ME”Logo， 本來想買給阿囝， 不過因為我看中了限量100隻的木造叮噹， 所以我還是捨平取貴， 今時今日的玩具， 產量多於200件， 已經不會值錢。

所以我第一眼就看中木叮噹喇！！ (不過， 今日還未發售， 我只是問工作人員借來拍照，  2月7日要再來排隊呀！！)

一樓還有一個電影簡介情景， 暫時受歡迎程度還未及街頭Pop-Up Store， 所以簡簡單單拍拍照， 也不會有人阻擋， 非常輕鬆。

電影下星期就上影， 一定一定要入場喊餐飽， 或者到時我一聽到保全叔叔的聲音就己經忍不住....