裝修佬逐個捉Mike師傅 裝修佬賣的，是一個承諾 (裝修強)

駕著白色私家車走遍港九新界，上門為市民度尺報價的Mike，因為是裝修公司老闆的原故，一般人覺得他肯定有好多空餘時間。裝修公司的老闆真的如此？讓我們一齊去了解Mike的人生吧。

做裝修已經十數年，卻仍堅持度尺必需是親力親為，為什麼？ 由於度尺同時需要和客戶溝通，需要即時給出意見，亦有可能要打開平板電腦拿出案例圖片，滿足客戶的各種提問。 “有人覺得度尺好易，比意見唔難，問我點解唔叫啲『下屬』做。” Mike覺得親自度尺，九成是責任問題。“搵個人負責見客同度尺？可以，但如果佢接唔到單又點算？我要同啲手足交代，唔通話個度尺佬做得唔好？例如我自己去度尺，接唔到單，係我自己嘅問題，自己檢討。如果派人去度尺，但佢接唔倒單，咁我應該同佢講乜好？咁重要嘅事，自己做會比較好。”

你日日都周圍度尺，真係有咁多生意？ “唔好誤會，上門度尺係無錢收的……呢個時代，如果收錢上門，我應該好難接到單。”時下流行免費度尺服務，那是接單的途徑及手段。 “周圍走，唔一定單單都係大野，有時只係睇下個洗手間。” 很多時上門度尺報價，忙幾小時，交足功課，但沒有單。若接不到單，是不是一定有理由？會不會是某些地方做得不夠好？ “始終好多客都係睇價錢，可能唔夠平？其實，有時唔係我做得唔夠好，可能只係個客唔鍾意我皮膚有啲黑！” 長得不好看也是問題，開玩笑嗎？ “而家啲人真係會睇你個樣。不過執得幾靚都好，總有人會唔鍾意你。”

題外話，有些人以為只要是『腦細』就可以晚晚出去玩？ “傻啦，我日日四圍走，未食夜晚都攰到想瞓覺喇。”

做裝修差不多二十年，你覺得在香港做裝修的前境如何？ “我覺得可以，但現在好多人鍾意格價，可能係多咗網上平台，搞到啲人鍾意周圍拿報價，又無話唔啱，不過就真係會辛苦咗啲裝修師傅。” Mike表示今年生意較差，但沒有退路，唯有繼續做。 “老實講，裝修係辛苦工，體力付出大，如果唔鍚身，唔覺意就會整親。” Mike憶起：“試過有個後生仔幫手抬啲料上樓，因為冇『車仔』，唯有自己將啲野逐件搬上樓，最後整親隻手開唔到工，錢賺唔到，仲要貼錢醫返好。” 不過做任何工作都難免有意外，但裝修行業的“意外”可能會比較多。“走數、拖數、鬧翻……始終唔係一買一賣咁簡單，大家明就算啦。”

最老套的問題，你如何成為裝修師傅？ “我以前在五金舖做，和裝修有小小關係。” Mike過去是五金舖員工，經常和客人寒喧幾句，許多老顧客記住了他的名字。“買螺絲，搵阿Mike” 顧客來來去去都是同一班人，多數是裝修佬，間中有一般市民來買東西卻什麼都不懂，所以Mike會像專家一樣幫助一般市民。但，即使Mike做得多好，不過是小店員，店舖的生意多好都不會發財。“不過份工好穩定。”

每天都有機會遇見相熟客人，工作開心無壓力。只是，年輕人總會談戀愛。 和愛侶打得火熱時，二十出頭的Mike突然決定要為另一半許下終身承諾。 結婚，Mike迎來人生轉捩點。 一個人變成一家人，要想的東西多了，再考慮將來十年、二十年，畫面就不一樣了。

Mike決定要履行讓老婆得到幸福的承諾，放棄安穩方案，跳出來做裝修。 “我冇想太多，直接走一條我覺得可以賺多啲錢嘅路。”那時起，不再是一個人的Mike跟師傅學做裝修，等到技術好了、累積的知識多了，人脈更廣了，就大膽到網上各大討論區出Post，而Mike就這樣成為第一批在網上找到裝修客的師傅。 “試過一個月簽十幾張單。” 但樹大招風，不喜歡Mike的人在網上發放流言，敗壞Mike的名聲。不過Mike始終是真材實料，於是決定花費開一間正式的公司，拿商業登記，光明正大地做生意。

Mike奮鬥至今近二十年，我問他累不累。 “好多時都好累，所以我會重視自己嘅健康，因為我唔係一個人。”

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。