裝修佬逐個捉克盡職守‧裝修設計工程師Marcus (裝修強)

消閒

2019-05-29 |

2058

記叔笑看人生後，今次請來象牙家居室內裝修設計的Marcus。 “細細個就好鍾意畫畫，所以先會揀室內設計。” 大學時期，在設計公司返工嘅同學問我：“有無興趣做Part Time。”咁就入咗行，並發現，讀設計同做設計係兩回事。學校啲Project可以同香港漫畫一樣咁天馬行空。但是在現實，做乜都要就住個Budget，唔係畫公仔交功課咁簡單。 “畢業後轉做Full Time，開始行室內設計師呢條路。” 當初覺得一間有30幾人，專做豪宅客戶嘅設計公司真的十分利害，但做了不夠一個月就開始懷疑人生：“點解工作量咁大？”多野做到要瞓公司。

原來公司大部分員工都係Sales，而且是對室內設計一無所知的Sales。有貴客來訪，Marcus發現公司Sales見客只是為了急著開單收錢，沒有細心聆聽客人的要求。

後來試過有裝修師傅被客人投訴，原因是Sales答應了客人的事情，裝修師傅卻不知道，因此也沒有兌現承諾。最後Marcus被派到現場與師傅溝通，順道被客人罵個狗血淋頭，幸好他還記得笑。

Marcus指室內設計師需要知道樓宇結構等知識、裝修相關知識、亦有責任讓裝修師傅實現設計師畫在圖上的設計，因此Sales和客戶接觸實是一件怪事，他認為裝修工程是一項承諾，不是一件商品，希望裝修的戶主不應該見Sales。

“我轉過兩間不同的設計公司，接觸過商場、銀行等裝修，擴闊視野，累積經驗。”Marcus形容裝修業界龍蛇混集，如果裝修是一部電影，明明有個能幹的編劇，卻被不懂得電影的人們變成一部爛片。為了不讓這種悲劇發生，Marcus自立門戶，希望可以兌現更多承諾，讓客人留下美好回憶。

你同其他室內設計公司有乜唔同？我會先向客人介紹自己，講一下公司文化，好似相睇咁，我想令客人清楚知道我係一個乜野人。如果客人覺得我可以，就可以談合作。好緊要，因為我唔係賣緊一件商品。

作為室內設計師，自有責任讓客人明白裝修是一場戰爭。戰場上，最重要是掌握情報，了解每個細節。所以，我會定時向客人報告戰況，會時刻為客人提供情報（客人提出的問題，必需盡快解答）。就算當年和老婆渡蜜月，我都沒有停止過工作，真的要感謝老婆明白我的職責。要實現承諾，一定要有很強的責任心，我就是這種人。

有沒有試過遇到麻煩的客人？ “其實唔可以話麻煩。”除非是從事裝修行業的人，否則，人一生也沒有幾多機會接觸裝修，所以，一般人對裝修一無所知是理所當然的事情。因此可能會網上找資料或問朋友，然而，得來的情報不一定正確。

一般人或會覺得室內設計師就是畫圖的，事實上，我也必需要懂得每一個細節，不然是沒法子畫出圖來的，因為要確保裝修師傅能夠實現我（和客人）的心中所想。

有沒有試過和客人發生衝突？曾經有客人要造一個櫃，所有細節都談好，價格也清楚，但是師傅開始造櫃的時候，客人忽然想加深櫃桶，做闊啲。其實可以，但費用會增加，畢竟成本加大了。然而客人說：“加錢，好唔合理喎！”我想講，其實是合理的，因為材料不是免費的。加闊個櫃，用的料多了，沒錢怎能買回來？

“個客唔肯加錢，一般裝修師傅肯定已經嘈咗交。”

為了避免這情況發生，Marcus表示自己有責任和客人溝通清楚。資深裝修防伏導師都有講過，一單裝修工程是雙向的，客人不明白的話，我有責任讓他明白，這樣才好說話，不可以鬧交。

用乜心態對客戶？ “要將心比己，畢竟香港買樓貴，裝修又買料閒閒地又再加二三十萬。客人出錢裝修，我就有責任好好用呢筆錢。所以我會專注比個客知道整個流程，解釋清楚各種收費，避免有誤會。有時為咗完成工程，唔想令啲師傅難做，我都會以為客人著想為前題，洩底啲都要，當做幫人。