消滅曱甴有妙法 (裝修華)

曱甴呢個名，聼落已經聞風喪膽，佢地無處不在，無論係條街度或屋企都有佢地嘅蹤跡，小强嘅繁殖能力極强，一對德國曱甴一年就可以繁殖十萬隻後代，係家居棲身及覓食嘅同時，仲會傳播多種病原體，非常棘手。殺曱甴唔使用劍嘅，用啱方法就得啦 ! 今次就由裝修佬話你知用咩方法啦。

梳打粉加糖
糖同梳打粉各一半混合再放入碗內，擺喺曱甴經常出沒地方便可。 

糖水
揾個空樽，放3羹糖，加半碗滾水冲開做餌，擺喺曱甴活動嘅地方，曱甴聞到香甜味後，就會爬入陷阱中。 

芝麻油
用細口長頸玻璃樽，入面放啲香甜食物，樽口塗啲芝麻油，因爲樽口太滑，曱甴就有入無出啦。 

洗衣粉
洗衣粉係高效誘殺曱甴嘅藥引，功效勝過一啲化學殺蟲劑，將洗衣粉撒喺曱甴可能出沒嘅地方，佢食咗洗衣粉後就會死。 

黏膠
利用曱甴鍾意捐窿捐罅嘅習性，用一個紙盒，蓋埋開小小罅位，盒入面塗黏膠，擺啲新鮮麵包碎，等曱甴捐入去偷吃而被黐住。 　　  

番梘水
將一舊番梘加入4升水內，溶解後直接噴喺曱甴度，可有效殺滅曱甴。

橙皮、檸檬皮
將橙皮、檸檬皮曬乾後，放喺櫥櫃，唔單止有有淡淡果香作用，仲起到一定嘅防曱甴效果。 　

硼沙、麵粉、香油、糖
將少許硼沙、糖同麵粉混和，然後滴入幾滴香油，攪成一舊，完成後放喺紙筒便可。　　 

黃瓜驅曱甴
曱甴驚黃瓜味，可以將新鮮黃瓜放喺櫥櫃度，曱甴就唔敢接近，新鮮黃瓜擺兩三日後再切開，令其繼續散發黃瓜味，驅除曱甴。 

洋蔥驅曱甴
如果喺室內放一盤切好嘅洋蔥，曱甴聞後會立即走夾唔頭，同時仲可延緩室內其他食物變質。 

小總結
小强係每個屋企都會出現嘅生物，佢地無處不在，想要從根本上消滅小强，應該清除小强賴以生存嘅環境條件，保持室內清潔，將垃圾及時清理，並將餐具用熱水清洗乾淨，爐灶等地方要定期清潔。小强係雜食性害蟲，耐飢唔耐渴，係屋企滅小强時要封鎖水源，保持室內乾燥，唔好有任何漏水地方，尤其係廚房，食唔曬嘅食物及時要密封，放入雪櫃或密封容器。

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。