蟹迷必試！高質抵食蟹「皇」拉麵撈

啖啖蟹皇鋪滿成碗拉麵，望落係咪好邪惡呢！

 蟹仙全新推出「蟹皇拉面撈」，秋季限定，午市只需39蚊，即可嘆盡兩款甘香蟹皇，除左彈牙拉麵，仲配有龍蝦海鮮湯，湯底採用龍蝦、瀬尿蝦、蝦、蟹四種海鮮熬製，絕無添加味精，因此味道更加鮮甜，可謂最高嘅味覺享受！

賣得咁平，好多人都會問點解可以賣得咁平？會唔會將貨就價？唔講唔知，原來老闆的哥哥本身就係海鮮入口商，擁有超過三十年入口經驗，所以蟹嘅出品來源非常穩定，保證新鮮，食物質素絕對可以放心。

除此之外，蟹仙仲有多款自家製肉丸，款式新穎，選擇豐富，例如豬骨濃汁貢丸、川辣牛丸、薑汁皮蛋貢丸等等。無論係用黎打邊爐，抑或係餸麵，一樣咁好味，款款新鮮彈牙，鐘意挑戰各款丸類嘅朋友值得一試。

同場加映仲有蝦兵蟹皇雲吞，大大粒海鮮雲吞由蟹膏及鮮蝦製成，皮薄餡靚。為咗滿足一眾海鮮迷，蝦蟹的份量大家有眼目睹，誠意十足，咁大粒嘅雲吞我真係第一次試，小編私心推薦哦。

講咗咁耐，係咪已經覺得好肚餓呢，快啲把握機會試吓啦！

蟹仙

地址：新蒲崗仁愛街50號地舖