雖然唔係話大學畢業，就一定要你月入過萬五先叫理想（我認我要求低）。不過假如好似呢位網民咁，以住單身公屋再加綜援為目標，就真係做得到，都唔知笑好定喊好。

話說呢位網民tiffany144，就係香港討論區「上班一族」版上，以「我大學畢業後的理想, 就係住單身公屋攞綜援」為題，話自己大學畢業目標已經達到，仲話想好似佢咁提早退休，就學佢咁樣「拿單身公屋加綜援, 好嘆。」

不過講完一日，應該被人插到飛起後就文都刪埋。不過相都已經Backup晒，圖都cap埋，仲邊有咁易當無發生過。下次唔好再亂post野上網喇。