慎用！不能用梳打粉清潔的家居用品

清潔家居用品好多時都需要用到唔同嘅化學清潔劑幫手，化學清潔劑無疑係有效，但始終有機會對身體做成負面影響… 而事實上坊間亦都有唔同天然清潔方法，當中就以梳打粉最為人熟悉喇 ! 只要配合其他日用品一齊使用，梳打粉就能夠做到去油漬、水垢，甚至通渠都得o架 ~ 不過亦有啲家居用品，係唔可以用梳打粉清潔架……一齊去文睇更多啦～

雖然梳打粉清潔功效好，但都有物質係唔能夠用梳打粉清潔！鋁金屬就係其中一種喇，因為當梳打粉與鋁接觸之後，就會產生化學作用，令鋁嘅表面氧化，繼而變黑，影響外觀。另外用梳打粉清潔實木傢俬亦會令傢俬表面變色，無法復原……而且梳打粉仲會令大理石表面起霧、失去光澤，所以千祈唔好喺呢啲表面用梳打粉清潔啊！

另外梳打粉亦都可以混合其他液體，例如係白醋一齊使用，不過就混合時就記得要特別留意喇 ! 因為將梳打粉混合白醋會產生刺激皮膚、眼睛嘅過氧醋酸，所以喺使用前，必須要了解以上要點，否則嚟講清潔都可以做成意外架 !

(文：裝修華)

(以上圖片均來自網路，如有任何版權問題，請與本站聯絡)