同阿囡一齊整，阿囡覺得自己玩緊泥膠，哈哈，佢自己整完，食得特別好，一口氣吃咗3個波，真係估唔到，呢個薯仔波混合咗豆腐，所以吃多幾件，都唔覺好膩，點蛋黃醬或日式豬扒醬吃最好，茄汁都可以～
做法： 1. 薯仔500克，去皮切件 2. 硬豆腐250克切件 3. 全部放入鑊，加水蓋過薯仔，開大火將水煮滾，轉細火煮20分鐘 4. 蝦300克去殼，加粟粉撈勻，再用水洗乾淨 5. 蝦抹乾切粒，用1茶匙鹽，1茶匙蒜粉，半茶匙白胡椒醃一下 6. 鑊用中火燒熱，加2茶匙油，加入半杯洋蔥粒、2湯匙青蔥粒炒香 7. 加入蝦粒煎至兩面轉食，盛起備用 8. 薯仔煮好，倒走所有水 9. 將豆腐用乾淨的布或毛巾包實，然後毛巾左右不斷扭轉收緊，直至將豆腐榨乾水份 10. 然後加回入鑊，落1茶匙鹽，落1茶匙雞粉（非必要），將豆腐同薯仔一齊壓，將薯仔壓成豆腐薯蓉 11. 加入炒好的蝦料撈勻，平均分成細件，搓成丸子 12. 用易潔鑊用中火落1湯匙油起鑊，將所有豆腐件煎至四面金黃(約6-8分鐘), 上碟即成 （又或者沾上蛋汁，再沾麵包糠，搓成丸子，放入焗爐用攝氏200度焗15分鐘又得）
