天然又有效、內至外美肌！

唔知大家鐘唔鐘意飲豆漿呢，我自己就幾鐘意，見 PHILIPS 出左豆漿機，好似幾易用，就買左部番屋企自製豆漿～

除左豆漿，仲可以整濃湯添架～

做法好簡單，只需要把黃豆洗乾淨，不用浸 （舊式豆漿機要把豆先浸過夜，比較煩），黃豆我會選用有機黃豆，有時仲會加亞麻籽／杞子添，把材料放入機，加水，按開始鍵，佢會自動搞碎、煲滾. 提提你，黃豆及亞麻籽必須加熱才不會消化不良或吸收毒素架！

煲好之後，只需用附送的隔渣杯隔開豆渣，隔揸前可先加砂糖在杯內以便溶化砂糖。（分量除自己喜好）

每次大約可煲2－3大杯豆漿，真豆味，好正！！

有時得閒仲可以自製豆腐花添，（方法可在網上尋找）

呀，隔出來的豆渣都好有用架，除左可以加蛋煎餅 （味道淡，素食愛好者可能會較喜歡）.

如果唔食，仲可用來當面及身體磨砂，直接把豆渣塗在皮膚上，有空可以敷數分鐘，再打圈按摩後沖洗乾淨即可，用後皮膚非常滑，又可以keep幾日都咁滑添！又天然又有效，要試啊！

BTW，中醫認為豆漿好濕熱，千萬唔好日日都飲呀！