電影毛俠和無雙同期上影,一套低成本製作,一套大卡士猛片,硬撼之下,無雙會輸票房?有可能嗎?

有,親眼見到,同一時間,出現毛俠full house,而無雙沒有full house情景。你又會這樣問,電影公司似乎是欺騙全世界,但是要看你什麼角度去衡量。葉問打拳王,哪有能力打贏?片中丹爺都係頂泰臣三分鐘,熬過左算贏,同一道理,毛俠某情某境贏到無雙三分鐘(三張門票),理論上都係贏。

毛俠製作成本只不過48萬,畫質,故事,製作,俱不是優質,但係主題思想十分清楚直接,為狗狗發聲,直接將信息打入觀眾腦內。首部香港動保電影意義和名堂不是說笑,期望大,壓力亦大,毛俠上畫前已一波三折,抹黑,官司,網罵,人事,內外折磨,終於排到期上映,卻又票房告急,被世人睇死下,幸得其電影公司所有工作人員出盡飲奶力,才出現full houe實況。

對,就是用盡三生三世之力去做到full house,哪怕有多艱難,投資者就是有毅力去追求。你會問,值嗎?這是無答案的,愛一個人,不用答案,何況愛一個動保事業?入戲院看毛俠,就係支持,比較一班救狗義工用幾日時間,不眠不休上山救狗,觀眾已是嘆住冷氣去支持,$100票房吾係要為賺錢,而係要觀眾明白入場嘅意義,動保係要出力嘅。

從不相信一部毛俠可以改變世界,但你會感到,一些人和事和狗狗嘅情況正在慢慢轉變。愚公移山,係蠢?係毅力,一線之差,聰明嘅大家都會分析,哪毛俠對無雙,是贏?是輸?你入場便知道。


 【毛俠】票房能贏【無雙】?

 https://www.facebook.com/starshk