久未露面的麥紫莉(Chili)日前出席Bubble舉行的7歲生日會,當日她明顯悉心打扮過,露膊、短裙,加上瘦了兩圈的無敵身型,活動上吸引不少羨慕目光。但原來Chili全身上下只用了$300!「呢一年都無真正收入,積蓄都所剩無幾,希望大家唔好介意我呢身造型啦!」

據知Chili現屬自由身,而且已回到正常人的生活,「前排同經理人和平分咗手,自己未準備好做一個藝人,都唔想耽誤住公司,咁而家過返啲普通市民嘅生活啦!今日嚟同Bubble過生日好開心,因為攝影師Ronald上年幫我影過一輯好靚嘅相,所以今日一定要嚟多謝佢!」

對於Bubble自設藝人部,Chili可有收到邀請加盟?「暫時都享受市民嘅生活,不過未來條路會點,我呢一刻真係唔知道!」


 麥紫莉平民性感出席賀《Bubble寫真月刊》7周年

 https://www.facebook.com/starshk