一手操控到的平民化智能家居

智能家居為生活帶嚟方便，但打造智能家居動輒都要花費上萬元甚至十萬元，工程中仲有機會需要鑽鑿牆身先可以完成工程，咁多要求真係叫好多有興趣嘅戶主卻步呢… 想輕輕鬆鬆唔洗鑽窿，又唔想用太多錢打造智能家居嘅話都唔係冇辦法嘅，一齊去文了解更多啦 !

大家有冇諗過只要用一個拖板就可以將屋企智能化呢 ? Meross 拖板唔需要其他主機或者配件，只要你屋企有WiFi訊號，就能夠透過電話應用程式獨立控制13A插座開關，而且仲配備唔同嘅智能模式，包括倒數、定時開關等等。以上功能就最適合就係當用家喺番屋企前同電話開定冷氣、熱水爐，咁一番到屋企就可以即時涼浸浸再沖番個熱水涼啦 ! 

Meross 拖板唔淨止可以幫忙遙遠控制電器開關，只要透過應用程式，就能夠了解即時以及歷史電力消耗，以便用家了解各類電器嘅耗電量 ~ 另外Meross 拖板採用咗1.5mm電線，比起一般市面上嘅拖板電線粗，咁就可以避免因為大電流而令電線過熱而發生火警喇 ! 概括而言，Meross拖板唔單止可以為各位慳到電費，而且仲令用電變得更安全 ! 有意打造智能家居嘅朋友可以認真考慮一吓O架 ~ 

(文：康少)