【媽媽的抉擇】幼童被反鎖車廂險中暑 媽媽拒絕破窗救人

內地一名粗心大意嘅媽媽，將仔仔遺留在車並反鎖，情況危急下警員和消防準備砸窗救人之際，比呢名媽媽拒絕，仲話：「20分鐘左右沒事的」，令人傻眼她緊張車窗多於兒子的安危。

事發在無錫江陰城區盈嘉翰庭小區。當日早上10時左右，一位媽媽離開車時忘記帶拿車匙，車門上鎖之後，先驚覺仔仔留在車內。擾攘咗一陣，民警消防接報到場，只見到仔仔被固定在車後座的特定安全座椅上，因為天氣炎熱，幼童急得滿頭大汗哇哇大哭。

民警和消防趕到現場準備砸窗救人之際，呢名媽媽竟緊張車窗多過自己仔仔嘅安危，拒絕破窗並說：「20分鐘左右沒事的」又說「不要破窗，我叫開鎖的來開。」救援人員唯有緊貼玻璃窗，時刻查看小男孩的身體狀況，一旦發現情況危急才立即強行砸窗。

十多分鐘後，開鎖人員終於趕到現場，打開車門救出小男孩，當時孩子已經全身濕透，體力不支，旁觀路人催促媽媽抱他到陰涼處。