朱咪咪、陸浩明拍美肌纖體廣告鬥爆肚

朱咪咪最出名係牙醫廣告，一向都唔接美容產品的她今次與陸浩明一起為BMF Bella Marie France美肌纖體中心拍攝網上播放短片。走在時代尖端嘅咪咪姐對於接拍網片，她直言都想試下網片的趨勢， 加上被品牌誠意打動，所以一口答應演出，特別改機票唔返新加坡探仔探老公，都要參與演出。而拍攝期間，為了效果更好，不停與陸浩明「爆肚」演出，果然係一代喜劇演員，因為咁咪咪姐姐仲多咗個新花名，叫「咪咪Baby」，是在拍片時大家幫咪咪Baby改的新名。

搞笑的咪咪Baby在短片中提到好多女人月經不調，咪咪Baby好認真咁話自己都有，仲好嚴肅咁解釋：「係每月經濟不調…..」咪咪Baby唔單止係一位笑匠，仲好豪氣，拍攝時更買蛋撻請工作人員食，是個窩心的Baby。

咪咪Baby腳隨砧板上

在片段中，咪咪Baby簡直瞓身演出，講瘦腿時，直頭放隻腳喺砧板度，為求大家拍到佢雙美腿，十分敬業。咪咪Baby又教授傳統美容修身方法，但她都坦言這不夠用依家科技，效果快靚正。而在拍攝期間，發生了一段小插曲，咪咪Baby和陸浩明合作得火花四起，倒瀉橄欖油，咪咪Baby由肚淋到腳，搞到成身「油淋淋」。

這次是咪咪Baby與陸浩明第一次合作拍攝，咪咪Baby對此都大讚兩人有默契，「與陸號認識咗好多年，經常在廠碰頭，但真正一起拍攝都係第一次，但ok喔，我哋一埋位就好有默契，佢講咩，我就可以答上去，我講咩，佢都可以接到，ok呀依個感覺。」

咪咪Baby拿手菜是馬拉咖喱雞

問到現實中的咪咪Baby下廚心得，她即笑言很多人都知道她的拿手菜是馬拉的咖喱雞，「還有南洋的食物，我都會煮，海南雞飯、馬拉飯等等。」每次難得回去新加坡的咪咪姐會為兒子煲湯，更會煮家庭菜，家人每次都食到舔舔脷。

咪咪Baby更分享到，「試過懶煮飯，有一次將人家送我澳洲的青邊鮑，我拿兩三個出來煲雞湯，之後開幾個罐頭鮑魚出來，快過期的那些，哈哈，那次真係全鮑宴。」

另外，談到年青時樣子與岑麗香相似，咪咪Baby就回憶當初第一次與香香合作拍攝劇集《巴不得媽媽》，「當初我見依個靚女好靚，個陣時她的廣東話還不是那麼好。我們當時每個人拿的都是中文劇本，她的也是，只不過她的劇本有很多英文翻譯。佢係好用心嘅女仔，依家喺廠見到佢，佢叫我媽咪。」