【性感】楊曉穎Sharon 單飛影寫真帶你闖入私人密室

身為環球小姐.國際小姐.178cm高.「陳嘉容師妹」的楊曉穎(Sharon)上年孖住女友人出寫真集，因反應理想，今年獲公司及投資者支持單飛影寫真，帶出個人真性情，俘虜一眾宅男和粉絲。Sharon話之前影果啲都係專業Model既相，表情都Cool 啲。但其實真實生活上自己好簡單隨和，好True。今次應該要以個人寫真相片同外界和粉絲「Say Hello!」細說自小入行前的往事和小故事，等大家了解一下佢真實既思想同故事。

今次Sharon一共影左十幾個造型，由於剛剛由上海演藝學院讀完演藝課程回港，在國內食野都比較油膩啲，所以番黎香港影寫真相前都要火速Keep Fit做好準備:「一日跑兩次，早起身早跑兼晩跑。減少食澱粉質食物外仲搵營養師Detox，一星期飲果汁為身體排毒排油。」

Sharon話要配合最真實既主題，帶大家闖入私人密室，相中既密室係真係自己屋企既睡房。平時自己都習慣祼睡，在私人睡房鍾意攬住公仔享受無驅無束的時刻。

Sharon仲預告會以最真實最互動的嶄新模式同大家見面，感謝好友許嘉浩(Karl Hui)任Creative Management給予團隊好鍾意好Surprise的Idea。更約定一眾宅男粉絲在暑假的一連串宣傳活動上見面，感受最真實的自己！